ବିଡିଓ ପରିଚୟ ଦେଇ ଅଧ୍ୟାପକଙ୍କୁ ଠକେଇ । ରାଜଧାନୀ ଉପକଣ୍ଠରେ ୨ ଅଧ୍ୟାପକ ୪୦ ହଜାର ଟଙ୍କା ଠକେଇର ଶିକାର ।

କନକ ବ୍ୟୁରୋ: ମାତିଲେ ସାଇବର ଠକ । ବିଡିଓ ପରିଚୟ ଦେଇ ଅଧ୍ୟାପକଙ୍କୁ ଲୁଟ୍ । ବାଲିପାଟଣା ବ୍ଲକ କୁରୁଞ୍ଜିପୁର ପଞ୍ଚାୟତ ଓଡଖଣ୍ଡ ଉଚ୍ଚ ମାଧ୍ୟମିକ ବିଦ୍ୟାଳୟର ୨ ଜଣ ଅଧ୍ୟାପକ ସାଇବର ଲୁଟର ଶିକାର ହୋଇଛନ୍ତି । କଲେଜର ମାସ୍କ ବାବଦକୁ ଟଙ୍କା ଆସିଛି କହି ୨ ଅଧ୍ୟାପକଙ୍କଟାରୁ ୪୦ ହଜାର ଟଙ୍କା ଲେଖାଏଁ ଚୁନ ମାରିଲା ସାଇବର ଲୁଟେରା । ସରକାରଙ୍କ ତରଫରୁ କଲେଜକୁ ମାସ୍କ ବାବଦକୁ ଟଙ୍କା ଆସିଛି ବୋଲି ଏକ ଅଜଣା ନମ୍ବରୁ କଲ୍ ଆସିଥିଲା । ୟୋନୋ ପେ’ ନମ୍ବର ଦେଲେ ଟଙ୍କା ଛଡାହେବ ବୋଲି କହିଥିଲା ଠକ । ଆକାଉଣ୍ଟ ଡିଟେଲସ୍ ଦେବା ପରେ ଦୁଇ ଅଧ୍ୟାପକଙ୍କ ଆକାଉଣ୍ଟରୁ ୪୦ ହଜାର ଟଙ୍କା କଟି ଯାଇଥିବା ମେଜେସ୍ ଆସିଥିଲା । ଏନେଇ ସାଇବର ପୁଲିସର ଦ୍ୱାରସ୍ଥ ହୋଇଛନ୍ତି ଲୁଟର ଶିକାର ହୋଇଥିବା ଅଧ୍ୟାପକ ।