ଏତେ ପରେ ବି ଚେତିଲେନି ଦଲାଲ, ଆରଟିଓ ଅଫିସ୍ ସାମ୍ନାରେ ଖୁଲମଖୁଲା କରୁଥିଲେ ଦଲାଲି । ସାଧା ପୋଷାକରେ ଧରିଲେ ଏସପି
କନକ ବ୍ୟୁରୋ: ଆରଟିଓ ଅଫିସ ସାମ୍ନାନାରେ ଖୁଲମାଖୁଲା ଚାଲିଥିଲା ଦାଲାଲି । ଆଉ ଏତିକିବେଳେ ସାଦା ପୋଷାକରେ ଅଚାନକ ଚଢାଉ କଲେ ଏସପି । ନୟାଗଡ ପିଟିଏସ ରୋଡରେ ଥିବା ଆରଟିଓ ଅଫିସ ସମ୍ମୁଖରେ ଆଜି ଏଭଳି ଘଟଣା ଦେଖିବାକୁ ମିଳିଛି । ଆରଟିଓ ଅଫିସ ବାହାରେ ଦଲାଲି ଚାଲିଥିବା ନେଇ ଏସପି ଖବର ପାଇବା ପରେ ହଠାତ ଚଢାଉ କରିଥିଲେ । ଏହା ପରେ ସଂପୃକ୍ତ ଦଲାଲ ମୁରଲୀ ରାଉତକୁ ପୁଲିସ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲାକି, ଦଲାଲ ମୁରଲୀ ରାଉତଙ୍କ ବାଇକ ଡିକି ଓ ପର୍ସ ଯାଂଚ ପରେ ସେଥିରୁ ବିଡା ବିଡା ଟଙ୍କା ଓ ଆରଟିଓ ସଂପର୍କିତ କାଗଜପତ୍ର ବାହାରିଥିଲା । ୫୦ ହଜାରରୁ ଅଧିକ ଟଙ୍କା ଜବତ ହୋଇଥିବା ବେଳେ ଦଲାଲ ମୁରଲୀଧରକୁ ପୁଲିସ ପଚରାଉଚରା କରୁଛି । ତେବେ ଟ୍ରାଫିକ୍ ନିୟମ କଡ଼ାକଡ଼ି ହେବାପରେ ଗାଡ଼ି କାଗଜ ପତ୍ରଠୁ ଆରମ୍ଭ କରି ନୂଆ ଗାଡ଼ି ଚାଳକମାନେ ଡ୍ରାଇଭିଙ୍ଗ ଲାଇସେନ୍ସ ପାଇଁ ଆବେଦନ କରୁଛନ୍ତି । ଆଉ ଆରଟିଓ ସମ୍ପର୍କିତ ସମସ୍ତ ସୁବିଧା କିଭଳି ବିନା ଦଲାଲଙ୍କ ମାଧ୍ୟମରେ ଗାଡ଼ି ଚାଳକ ପାଇପାରିବେ ସେନେଇ ସଜାଗ କରାଇଥିଲେ ସରକାର । ହେଲେ ଆଜିର ଘଟଣା ସରକାରଙ୍କ ନିର୍ଦ୍ଦେଶକୁ ଖୁଲମଖୁଲା ବାଏଁ ବାଏଁ ଉଡ଼ାଇ ଦେଉଥିବା ଦେଖିବାକୁ ମିଳିଛି ।