ପେସା ଡାକ୍ତରୀ, ସଉକ ଗୀତ ଗାଇବା: ବ୍ରହ୍ମପୁର ଏମକେସିଜି ମେଡିକାଲ ଭେଷଜ ବିଭାଗ ଆସିଷ୍ଟାଂଟ ପ୍ରଫେସରଙ୍କ ନିଆରା କିର୍ତ୍ତୀ; ଡକ୍ଟର ସୁର ସମ୍ରାଟ ପ୍ରତିଯୋଗିତା ଜିତିଲେ ଚନ୍ଦନ ଗନ୍ତାୟତ
ପ୍ରଶଂସା କଲେ ବଲିଉଡ୍ ସିଂଗର ସାନ୍
କନକ ବ୍ୟୁରୋ: ପେସାଦାର ଗାୟକଙ୍କ ଭଳି ଗୀତ ଗାଉଥିବା ଏହି ବ୍ୟକ୍ତିଙ୍କ ପରିଚୟ ଆପଣଙ୍କୁ ଚମକାଇ ଦେଇପାରିବେ । ଅତି ସୁନ୍ଦର କଣ୍ଠରେ ଗୀତ ଗାଇପାରୁଥିବା ଏହି ବ୍ୟକ୍ତି ପେସାରେ ଜଣେ ଡାକ୍ତର । କରୋନା କଟକଣା ଭିତରେ ଦେଶର କାର୍ଯ୍ୟରତ ଡାକ୍ତରମାନଙ୍କୁ ନେଇ ଜାତୀୟ ସ୍ତରରେ ଚାଲିଥିଲା ସଂଗୀତ ପ୍ରତିଯୋଗିତା । ବିଭିନ୍ନ ରାଜ୍ୟରୁ ପ୍ରାୟ ୨ ହଜାର ଡାକ୍ତର ଏଥିରେ ଅଂଶଗ୍ରହଣ କରିଥିବାବେଳେ ଚୂଡାନ୍ତ ପର୍ଯ୍ୟାୟରେ ବାଜି ମାରିନେଇଛନ୍ତି ଓଡିଶାର ଏହି ଡାକ୍ତର ।
Kanak News is now on WhatsApp
Join and get latest news updates delivered to you via WhatsApp
ଏକ ଘରୋଇ ସଂସ୍ଥା ପକ୍ଷରୁ ଡକ୍ଟର ସଂଗୀତ ସମ୍ରାଟ ନାମକ ଏକ ଅନଲାଇନ ସଂଗୀତ ପ୍ରତିଯୋଗିତାରେ ଭାଗ ନେଇଥିଲେ ଡାକ୍ତର ଚନ୍ଦନ ଗନ୍ତାୟତ । ଶେଷ ପର୍ଯ୍ୟାୟରେ ୧୦ ଜଣଙ୍କୁ ପଛରେ ପକାଇ ସେ ଶ୍ରେଷ୍ଠ କଣ୍ଠଶିଳ୍ପୀ ବିବେଚିତ ହୋଇଛନ୍ତି । ଫାଇନାଲ ରାଉଣ୍ଡରେ ବିଚାରକ ଥିବା ବଲିଉଡ ସିଙ୍ଗର ସାନ ମଧ୍ୟ ଡାକ୍ତର ଗନ୍ତାୟତଙ୍କ ଗାୟନ ଶୈଳୀକୁ ବେଶ ପ୍ରସଂଶା କରିଛନ୍ତି । ଜଣେ ଡାକ୍ତର ହୋଇ ପେସାଦାର ଗାୟକଙ୍କ ଭଳି ଗୀତ ଗାଉଥିବାରୁ ଭୂୟସୀ ପ୍ରସଂଶା କରିଛନ୍ତି ସାନ୍ ।
ବ୍ରହ୍ମପୁର ସ୍ଥିତ ଏମକେସିଜି ମେଡିକାଲ କଲେଜ ଆଣ୍ଡ ହସ୍ପିଟାଲର ଜେଷଜ ବିଭାଗରେ ଆସିଷ୍ଟାଂଟ ପ୍ରଫେସର ଥିବା ଡାକ୍ତର ଚନ୍ଦନ ଗନ୍ତାୟତ, ଏବେ ବ୍ରହ୍ମପୁର କୋଭିଡ ହସ୍ପିଟାଲରେ କାର୍ଯ୍ୟରତ ଅଛନ୍ତି । ହେଲେ ଗୀତ ଗାଇବା ପ୍ରତି ତାଙ୍କର ସ୍ୱତନ୍ତ୍ର ରୁଚି ରହିଛି । ଆଉ ଜାତୀୟ ସ୍ତରର ଏହି ସଂଗୀତ ପ୍ରତିଯୋଗିତାରେ ବିଜୟ, ତାଙ୍କୁ ଅନେକ ଲୋକପ୍ରିୟତା ଆଣିଦେଇଛି । କରୋନା କାଳରେ ଡାକ୍ତର ଗନ୍ତାୟତ, କୋଭିଡ ହସ୍ପିଟାଲରେ ନିୟୋଜିତ ହୋଇଥିଲେ ମଧ୍ୟ ସଂଗୀତ ପ୍ରତି ତାଙ୍କ ରୁଚି କାରଣରୁ ସାରାଦେଶର ଡାକ୍ତରମାନଙ୍କ ସହ ସଂଗୀତ ପ୍ରତିଯୋଗିତାରେ ଭାଗ ନେଇଛନ୍ତି । ଯାହା ତାଙ୍କୁ ଅନନ୍ୟ ଭାବରେ ସ୍ୱୀକୃତି ଆଣି ଦେଇଛି ।