ମାତୃତ୍ୱର ବିଳାପ… ଭଦ୍ରକରୁ ଆସିଲା ମାଆ ମମତାର ଅମୂଲ୍ୟ ଚିତ୍ର…ନଡ଼ାରେ ତିଆରି ବାଛୁରୀକୁ ନିଜ ଛୁଆ ଭାବି ଅସୁମାରୀ ସ୍ନେହ ଆଉ ଶ୍ରଦ୍ଧା ଅଜାଡ଼ି ଦେଉଛି ମାଆ ଗାଈ
କନକ ବ୍ୟୁରୋ: ମାଆର ବାତ୍ସଲ୍ୟ ମମତାର ତୁଳନା ନାହିଁ, ଛୁଆ ପ୍ରତି ମାଆର ଅନାବିଳ ସ୍ନେହ ଅମୁଲ୍ୟ । ହେଲେ ଆମେ ଆପଣଙ୍କୁ ଏପରି ଖବର ଦେଖାଇବୁ ଯାହା ଆପଣଙ୍କୁ ଗପ ପରି ଲାଗିବ । କିନ୍ତୁ ଏହା ବାସ୍ତବରେ ସଂପୂର୍ଣ୍ଣ ସତ । ମାଆ ଗାଇଟି ତାର ଛୁଆକୁ ସବୁଦିନ ପାଇଁ ହରାଇ ଦେଇଛି । ହେଲେ ଛୁଆର ଚମଡାରେ ତିଆରି ହୋଇଥିବା ଏକ ବାଛୁରୀର ପ୍ରତିକୃତି ଉପରେ ମାଆ ଅଜାଡି ଦେଉଛି ଅଜ୍ରସ ସ୍ନେହ । ଏଭଳି ଏକ ଖବର ଆସିଛି ଭଦ୍ରକ ଚାନ୍ଦବାଲି ବ୍ଲକ ଇଟୁଆ ଗାଁରୁ ।
Kanak News is now on WhatsApp
Join and get latest news updates delivered to you via WhatsApp
ଚାନ୍ଦବାଲି ବ୍ଲକ ଇଟୁଆ ଗାଁ ବିଜୟ କୁମାର ବାରିକଙ୍କ ପାଳିତ ଗାଈ ଗତ ଜାନୁୟାରୀ ମାସରେ ପ୍ରଥମ ଥର ବାଛୁରୀ ଜନ୍ମ ଦେଇଥିଲା । ଆଉ ବାଛୁରୀ ଜନ୍ମ ହେବା ପରେ ଗାଈ କ୍ଷୀର ପାଇବା ପାଇଁ ବିଜୟଙ୍କ ପରିବାର ମଧ୍ୟରେ ଖୁସିର ଲହରୀ ଖେଳିଯାଇଥିଲା । ଛୁଆ ବାଛୁରୀକୁ ପାଇ ସପରିବାର ନିଜର ପରିବାର ସଦସ୍ୟଭଳି ସ୍ନେହ ଶ୍ରଦ୍ଧା କରିଥିଲେ । ମାଆ ଗାଈ ମଧ୍ୟ ନିଜ ବାଛୁରୀ ପ୍ରତି ଉଜାଡ଼ି ଦେଉଥିଲା ବାତ୍ସଲ୍ୟ ମମତା । ମାତ୍ର ଏକ ଅଜଣା ରୋଗରେ ଆକ୍ରାନ୍ତ ହୋଇ ଛୁଆ ବାଛୁରୀର ମୃତ୍ୟୁ ହୋଇଯାଇଥିଲା । ଆଉ ବାଛୁରୀ ମରିଯିବା ପରେ ମୃତ ବାଛୁରକୁ ବିଲରେ ଫୋପାଡ଼ି ଦେଇ ଆସିଥିଲେ ବିଜୟ । କିନ୍ତୁ ପଶୁ ହେଲେ ବି ସେ ଏକ ମାଆ ଆଉ ମାଆ କମ ତାର ଛୁଆକୁ ଛାଡି ରହିପାରିବ । ତେଣୁ ମୃତ ବାଛରୀକୁ ଛାଡ଼ି ଆସି ନଥିଲା ମାଆ ଗାଈ ଟି ଆଉ ମୃତ ଛୁଆଟିକୁ ସେହି ଭଳି ଚାଟି ଚାଟି ତାକୁ ଉଠାଇବାକୁ ଚେଷ୍ଟା କରୁଥିଲା ମାଆ ଗାଈଟି । ସତରେ ମଲା ଛୁଆ ପ୍ରତି ମାଆ ଗାଈର ଅସୁମାରୀ ମମତାକୁ ଦେଖିଲେ ଆପଣଙ୍କ ଆଖିରେ ବି ଲୁହ ଚାଲିଆସିବ ।
ସେପଟେ ବାଛରୀ ବ୍ୟତିତ ଗାଈ ଆଉ କ୍ଷୀର ଦେବା ବି ବନ୍ଦ କରିଦେଇଥିଲା । ଏବଂ ପରେ କିଛି ଲୋକଙ୍କ ପରାମର୍ଶ କ୍ରମେ ମୃତ ବାଛୁରୀର ଚମଡ଼ା ବାହାର କରି ଶୁଖାଇ ତାକୁ କୁତ୍ରିମ ଉପାୟରେ ନଡ଼ା କୁଟା ବାଉଁଶ ବତାରେ ଆଛାଦିତ କରି ବାଛୁରୀ ରୂପ ଦେଇଥିଲେ । ଯାହକୁ ମାଆ ଗାଈ ତାର ବାଛୁରୀ ଭାବି ପୂର୍ବଭଳି ସ୍ନେହ ଅଜାଡ଼ି ଦେବା ସହ ପୁର୍ବ ଭଳି କ୍ଷୀର ମଧ୍ୟ ଦେବା ଆରମ୍ଭ କରିଛି । ତେବେ ଦୀର୍ଘ ୩ମାସ ହେବ ମୃତ ବାଛୁରୀର ଚମଡ଼ାରେ ନିର୍ମିତ କୁତ୍ରିମ ବାଛୁରୀକୁ ସ୍ନେହ ଅଜାଡ଼ି ଦେଉଛି ମାଆ ଗାଈ। ଆଉ ମୃତ୍ୟୁ ପରେ ମଳିନ ପଡ଼ିନାହିଁ ତାର ଛୁଆ ପ୍ରତି ରହିଥିବା ସେହି ସ୍ନେହ ଆଉ ଭଲ ପାଇବା ।