ଚନ୍ଦା କୋଚର୍ ଓ ତାଙ୍କ ସ୍ୱାମୀଙ୍କୁ ମିଳିଲା ଜାମିନ୍ । ହାଇକୋର୍ଟ କହିଲେ ଆଇନ ଅନୁସାରେ ହୋଇନି ଗିରଫଦାରୀ ।

କନକ ବ୍ୟୁରୋ: ଆଇସିଆଇସିଆଇ ବ୍ୟାଙ୍କର ପୂର୍ବତନ ସିଇଓ ଚନ୍ଦା କୋଚର ଓ ତାଙ୍କ ସ୍ୱାମୀ ଦୀପକ କୋଚରଙ୍କୁ ଆଜି ଜାମିନ୍ ମିଳିଯାଇଛି । ଭିଡିଓକନ୍ କମ୍ପାନୀକୁ ବେଆଇନ୍ ଭାବେ ଋଣ ମଞ୍ଜୁର କରିବା ଅଭିଯୋଗରେ ତାଙ୍କୁ ଓ ତାଙ୍କ ସ୍ୱାମୀଙ୍କୁ ଗିରଫ କରାଯାଇଥିଲା । ହେଲେ ଏହି ଗିରଫଦାରୀକୁ ବେଆଇନ୍ କହି ସେମାନଙ୍କୁ ଜାମିନ ଦେଇଛନ୍ତି ବମ୍ବେ ହାଇକୋର୍ଟ ।

ସୂଚନା ମୁତାବକ, ବେଆଇନ୍ ଭାବେ ଋଣ ଦେବା ମାମଲାରେ ଡିସେମ୍ବର ମାସରେ ଚନ୍ଦା କୋଚର ଓ ତାଙ୍କ ସ୍ୱାମୀଙ୍କୁ ଗିରଫ କରାଯାଇଥିଲା । ଚନ୍ଦା ଆଇସିଆଇସିଆଇର ସିଇଓ ଥିବାବେଳେ ଭିଡିଓକନ୍ କମ୍ପାନୀକୁ ୩,୨୫୦ କୋଟି ଟଙ୍କା ଋଣ ମଞ୍ଜୁର କରିଥିଲେ । ଏହି ମାମଲାରେ ଇଡି ୨୦୧୯ ମସିହାରେ ଅପରାଧିକ ମାମଲା ଦାଏର କରିଥିଲା । ଏ ମାମଲାରେ ଚନ୍ଦା ଓ ଦୀପକ କୋଚରଙ୍କୁ ଗିରଫ କରାଯାଇଥିଲା ।