କୋଭିଡ୍ ଟିକାର ୨ଟି ଡୋଜ୍ ନେବା ପରେ ହସ୍ପିଟାଲ ଯିବା ଆଶଙ୍କା ୦.୦୬ % : ଇନ୍ଦ୍ରପ୍ରସ୍ଥ ଆପୋଲୋ ହସ୍ପିଟାଲ ପକ୍ଷରୁ କରାଯାଇଥିବା ଅନୁଧ୍ୟାନରୁ ସୂଚନା
କନକ ବ୍ୟୁରୋ : କୋଭିଡ ଟିକାର ୨ଟି ଯାକ ଡୋଜ ନେଇ ସାରିଥିବା ହିତାଧିକାରୀମାନଙ୍କ ଭିତରୁ ୯୭ ଦଶମିକ ୩୮ ପ୍ରତିଶତ ଏହି ମହାମାରୀ ଭୂତାଣୁ ଠାରୁ ସୁରକ୍ଷିତ ରହିପାରିବେ । ସେହିପରି ସେମାନଙ୍କ ଭିତରୁ ୦.୦୬% କ୍ଷେତ୍ରରେ ଏହି ଭୂତାଣୁ ଦ୍ୱାରା ସଂକ୍ରମିତ ହୋଇ ଡାକ୍ତରଖାନାରେ ଭର୍ତ୍ତି ହେବାର ଆଶଙ୍କା ରହିଛି ବୋଲି ଇନ୍ଦ୍ରପ୍ରସ୍ଥ ଆପୋଲୋ ହସ୍ପିଟାଲ ପକ୍ଷରୁ କରାଯାଇଥିବା ଏକ ଅନୁଧ୍ୟାନରୁ ଜଣାପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ଦେଶରେ ଟିକାକରଣ ଆରମ୍ଭ ହେବାର ପ୍ରଥମ ଶହେ ଦିନ ଭିତରେ ବିଶେଷ କରି କୋଭାସିଲ୍ଡ ଟିକା ନେଇଥିବା ସ୍ୱାସ୍ଥ୍ୟକର୍ମୀଙ୍କ ଭିତରୁ ଯେଉଁମାନେ କୋଭିଡ ଲକ୍ଷଣ ସହ ଉକ୍ତ ଡାକ୍ତରଖାନାକୁ ଆସିଥିଲେ । ସେମାନଙ୍କ ଉପରେ ଅନୁଧ୍ୟାନ ଚଳାଇ ହସ୍ପିଟାଲ ପକ୍ଷରୁ ଏପରି କୁହାଯାଇଛି । ଆପୋଲୋ ହସ୍ପିଟାଲ୍ସ ଗୁପ୍ର ନିର୍ଦ୍ଦେଶକ ଡାକ୍ତର ଅନୁପମ ସିବାଲଙ୍କ କହିବା ଅନୁଯାୟୀ ଦେଶରେ କୋଭିଡ – ୧୯ ଦ୍ୱିତୀୟ ଲହର ସଂକ୍ରମଣ ଜାରି ରହିଥିବା ଅବସରରେ ଟିକାକରଣ କାର୍ଯ୍ୟକ୍ରମ ଜାରି ରହିଛି ।
ଟିକା ନେଲା ପରେ କାହା କାହା ଠାରେ କୋଭିଡ ସଂକ୍ରମଣ ଦେଖାଯାଉଥିବାର ଅଭିଯୋଗ ମାନ ପହଂଚୁଛି ତାହାକୁ ମହତ୍ୱପୁର୍ଣ୍ଣ ସଂକ୍ରମଣ ତଥ୍ୟ ଭାବେ ବିବେଚନା କରାଯାଏ । ଏପରି ସଂକ୍ରମଣ କିଛି ବ୍ୟକ୍ତିଙ୍କ ଠାରେ ଠିକାର ପ୍ରଥମ ମାତ୍ରା ନେଲା ପରେ ଏବଂ କାହା କାହା ଠାରେ ଉଭୟ ମାତ୍ରା ନେଲା ପରେ ବି ଦେଖା ଦେଇଥାଏ ।