ବିଜୁଳି ବିଲ୍ ବାକିଥିବା ଦର୍ଶାଇ ଜଳ ଯୋଗାଣ ପ୍ରକଳ୍ପରୁ ସଂଯୋଗ କାଟିଥିଲା ସେସୁ । ପାଣି ପାଇଁ ପଡ଼ିଲା ହାହାକାର, ଖବର ବାଜିବା ପରେ ଶୁଣିଲା ସେସୁ ।
କନକ ନ୍ୟୁଜ ପ୍ରଭାବ: କନକ ନ୍ୟୁଜରେ ଖବର ପ୍ରସାରଣ ପରେ କେନ୍ଦ୍ରାପଡା ଛଅଘରିଆ ଗାଁକୁ ଆସିଲା ପାଣି । ବକେୟା ବିଦ୍ୟୁତ ବିଲ ଦେଇନଥିବାରୁ ସେସୁ ଗାଁରେ ଲାଇନ କାଟିଦେଇଥିଲା । ଫଳରେ ୨ ଦିନ ହେଲା ଗାଁକୁ ଆସୁନଥିଲା ପାଣି । ଛଘରିଆ ଗାଁରେ ବିଜୁଳି ବିଲ୍ ବାକି ଥିବା ଦର୍ଶାଇ ସେସୁ ଗ୍ରାମ୍ୟ ଜଳ ଯୋଗାଣ ପ୍ରକଳ୍ପରୁ ବିଜୁଳି ସଂଯୋଗ କାଟିଦେଇଥିଲା । ଫଳରେ ଗାଁରେ ରହୁଥିବା ୨୦୦ରୁ ଅଧିକ ପରିବାରକୁ ପାଣି ମିଳିନଥିଲା । ଏହାକୁ ନେଇ କନକ ନ୍ୟୁଜ ଖବର ପ୍ରସାରଣ କରିବାରୁ ଏବେ ‘ସେସୁ’ ଶୁଣିଛି ।
Kanak News is now on WhatsApp
Join and get latest news updates delivered to you via WhatsApp
ଖରା ଦିନ ଆରମ୍ଭ ହେବା ଆଗରୁ ସେସୁର ବିଜୁଳି ଛାଟ କେନ୍ଦ୍ରାପଡା ଛଘରିଆ ଅଂଚଳରେ ଜଳ ସମସ୍ୟା ସୃଷ୍ଟି କରିଥିଲା । ଏହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା । ସବୁଠାରୁ ବଡ଼କଥା ହେଲା, ସରକାରୀ ପ୍ରକଳ୍ପ ଉପରେ ବକେୟାଥିବା ବିଦ୍ୟୁତ୍ ବିଲ୍ ଆସନ୍ତା ମାର୍ଚ୍ଚ ୩୧ ତାରିଖ ସୁଦ୍ଧା ପୈଠ କରିଦେବେ ସରକାର ବୋଲି ସେସୁକୁ ପ୍ରତିଶୃତି ମଧ୍ୟ ଦେଇଥିଲେ । ହେଲେ ବ୍ୟବସାୟିକ ପ୍ରତିଷ୍ଠାନ ଉପରେ ବିଜୁଳି ବିଲ୍ ବାକି ଥିବା ଭଳି ଗ୍ରାମ୍ୟ ଜଳ ଯୋଗାଣ ପ୍ରକଳ୍ପରୁ ବିଜୁଳି କାଟ୍ କରିବା ଲୋକଙ୍କ ପାଇଁ ସମସ୍ୟା ସୃଷ୍ଟି କରିଥିଲା । ପାଣି ପାଇଁ ଡହଳବିକଳ ହେବାପରେ ଶେଷରେ ଛଘରିଆ ଅଂଚଳର ୫ ଶହରୁ ଅଧିକ ଲୋକ ଶୋଷ ମେଣ୍ଟାଇଛି ସେସୁ ।