କନକ ବ୍ୟୁରୋ: ବିଦ୍ୟୁତ ଉପଭୋକ୍ତାଙ୍କ ପାଇଁ ବଡ ଆଶ୍ୱସ୍ତି । ବକେୟା ବିଲ ଭରିବାକୁ ଆଉ ୧୦ ଦିନର ମହଲତ ଦେଲା ସେସୁ । ଆଉ ଏହି ୧୦ ଦିନ ଭିତରେ ସମସ୍ତ ବକେୟା ବିଦ୍ୟୁତ ବିଲ ପଇଠ କରିବାକୁ ଅନୁରୋଧ କରିଛନ୍ତି ସେସୁର ସିଇଓ ଅରୁଣ ବୋଥ୍ରା ।
Kanak News is now on WhatsApp
Join and get latest news updates delivered to you via WhatsApp
ତେବେ ପ୍ରେସମିଟ କରି ବୋଥ୍ରା କହିଛନ୍ତି ଏଯାଏଁ ୨୫ ହଜାର ୫୩୧ ଉପଭୋକ୍ତା ସମସ୍ତ ବକେୟା ବିଲ ପଇଠ କରିଛନ୍ତି । ୧ ଲକ୍ଷ ୬୯୪ ଉପଭୋକ୍ତା କିସ୍ତି ଆକାରରେ ବକେୟା ପଇଠ କରି ସାରିଛନ୍ତି । ଆଶା ଅଛି ସମସ୍ତ ଉପଭୋକ୍ତା ବକେୟା ପଇଠ କରିବେ ।
୩୫ ହଜାର ୨୭୭ଟି ବିବାଦୀୟ ଆବେଦନ ଆସିଛି । ଏହି ୧୦ ଦିନ ଭିତରେ ସେହି ସମସ୍ତ ସମସ୍ୟାର ସମାଧାନ ହେବ । ୭୨ କୋଟିରୁ ଅଧିକ ଟଙ୍କା ବକେୟା ବିଲ ବାବଦକୁ ଆଦାୟ ହୋଇଥିବା ବୋଥ୍ରା ସୂଚନା ଦେଇଛନ୍ତି । ତେବେ ମୋଟ ୨୧ ହଜାର ୩୩୯ ଜଣ ଉପଭୋକ୍ତାଙ୍କ ବିଦ୍ୟୁତ କାଟ କରାଯାଇଥିଲା । ୯ ହଜାର ୨୮୯ ଉପଭୋକ୍ତାଙ୍କ ପୁନଃ ବିଦ୍ୟୁତ ସଂଯୋଗ ଦିଆଯାଇଛି । ଅନଲାଇନରେ ୭କୋଟି ୩୬ ଲକ୍ଷ ଟଙ୍କା ଆଦାୟ ହୋଇଛି ବୋଲି ସେସୁ ସିଇଓ ସୂଚନା ଦେଇଛନ୍ତି ।
ସେପଟେ ଗତ କିଛି ଦିନ ହେଲା ବିଦ୍ୟୁତ ବିଲ ବାକି ରଖିଥିବା ଉପଭୋକ୍ତାଙ୍କ ଛାତିରେ ଛନକା ପଶାଇଥିଲା ସେସୁ । ବକେୟ ବିଲ ଦେଇ ନଥିବା ଉପଭୋକ୍ତାଙ୍କ ବିଜୁଳି କାଟି ଆକ୍ସନ ମୋଡକରୁ ଆସିଥିଲା ସେସୁ । ସବୁଦିନ ହଜାର ହଜାର ଲୋକଙ୍କ ଲାଇନ କାଟି ବିଜୁଳି ବିଲ ଆଦାୟ କରିଥିଲା ସେସୁ । ତେବେ ସେସୁର ମାରାଥନ ବିଜୁଳି କାଟ ପରେ ଲୋକେ ବକେୟା ବିଲ ଭରିଥିଲେ ବି ଅସନ୍ତୋଷ ବ୍ୟକ୍ତ କରିଥିଲେ । ସେହିସବୁ ଦୃଷ୍ଟି କୋଣରୁ ସେସୁ ଆଉ ୧୦ ଦିନ ଅର୍ଥାତ ୧୬ ତାରିଖ ଯାଏଁ ସମୟ ଗଡାଇଛି ।