ଆକ୍ସନ ମୋଡରେ ସେସୁ: ଯାହାର ବକେୟା ରହିଛି ତାହାର ବିଜୁଳି କାଟୁଛି… ୪ର୍ଥ ଦିନରେ କଟିବେ ୧୧୫୨ଙ୍କ ବିଦ୍ୟୁତ୍ ସଂଯୋଗ

258

କନକ ବ୍ୟୁରୋ: ବକେୟା ବିଜୁଳି ବିଲ ଦେଇ ନଥିବା ଉପଭୋକ୍ତାଙ୍କ ପାଇଁ ସେସୁ ପକ୍ଷରୁ ଆରମ୍ଭ ହୋଇଥିବା ବିଜୁଳି କାଟ୍ ଅଭିଯାନରେ ଆଜି ପଡିଛି ୧୧ ଶହ ୫୨ ଜଣଙ୍କ ପାଳି । ସେସୁ ଅଧିନରେ ଆସୁଥିବା ୯ଟି ଜିଲ୍ଲାରୁ ଆଜି ୧୧୫୨ ଜଣଙ୍କ ବିଜୁଳି କାଟ୍ କରାଯାଇଛି ।

ତେବେ ଲଗାତାର ତିନି ଦିନ ହେବ ସେସୁ ବକେୟା ବିଲ ପାଇଁ ବିଜୁଳି କାଟୁଥିବା ବେଳେ ଆଜି ୪ର୍ଥ ଦିନରେ ବକେୟା ଥିବା ୩ କୋଟି ୬୨ ଲକ୍ଷରୁ ଅଧିକ ଟଙ୍କା ଆଦାୟ କରିଛି ସେସୁ ।

ଢ଼େଙ୍କାନାଳ ଡିଭିଜନରେ ସର୍ବାଧିକ ୧୨୧ ଉପଭୋକ୍ତାଙ୍କ ବିଜୁଳି ସଂଯୋଗ ବିଚ୍ଛିନ୍ନ କରାଯାଇଛି । ପ୍ରଥମ ଦିନରେ ସେସୁ ୫ କୋଟି ୩୮ ଲକ୍ଷ ବକେୟା ରାଶି ଆଦାୟ କରିଥିବା ବେଳେ ୨ୟ ଦିନରେ ୧୦ କୋଟି ୫ ଲକ୍ଷ ଏବଂ ତୃତୀୟ ଦିନରେ ୧୪ କୋଟି ୯୧ ଲକ୍ଷ ଟଙ୍କାର ବକେୟା ଅର୍ଥ ଆଦାୟ କରାଯାଇଥିଲା । ପ୍ରଥମ ଦିନରେ ୧୫ ଶହ ୪୫, ୨ୟ ଦିନରେ ୧୯ ଶହ ୫୬ ଏବଂ ତୃତୀୟ ଦିନରେ ୧୬ଶହ ୨୨ ଜଣଙ୍କର ବିଦ୍ୟୁତ ସଂଯୋଗ ବିଚ୍ଛିନ୍ନ କରିଥିଲା ସେସୁ ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.