ତିତଲି କ୍ଷତି ଦେଖିବ କେନ୍ଦ୍ରୀୟ ଟିମ୍ । ଅନୁଧ୍ୟାନ ପରେ କେନ୍ଦ୍ରରୁ ମିଳିବ ସହାୟତା ରାଶି ।
ଭୁବନେଶ୍ୱରରେ ପହଁଚିବା ପରେ ତିତଲି ପ୍ରଭାବିତ ଅଞ୍ଚଳ ଗସ୍ତ କରିବେ ବୋଲି ସୁଚନା ମିଳିଛି । ତେବେ ଆସନ୍ତା କାଲିଠାରୁ ଦୁଇ ଦିନ ଧରି ପ୍ରଭାବିତ ଜିଲ୍ଲା ଗସ୍ତ କରିବାର କାର୍ଯ୍ୟକ୍ରମ ରହିଛି ବୋଲି ଯୁଗ୍ମ ଏସଆରସି ପ୍ରଭାତ ମହାପାତ୍ର ସୂଚନା ଦେଇଛନ୍ତି ।
କନକ ବ୍ୟୁରୋ: ଆସନ୍ତାକାଲି ଓଡ଼ିଶା ଆସିବେ ୮ ଜଣିଆ କେନ୍ଦ୍ରୀୟ ଟିମ୍ । କେନ୍ଦ୍ର ଆନ୍ତଃ ମନ୍ତ୍ରଣାଳୟର ଏହି ଟିମ୍ କାଲି ଭୁବନେଶ୍ୱରରେ ପହଁଚିବା ପରେ ତିତଲି ପ୍ରଭାବିତ ଅଞ୍ଚଳ ଗସ୍ତ କରିବେ ବୋଲି ସୁଚନା ମିଳିଛି । ତେବେ ଆସନ୍ତା କାଲିଠାରୁ ଦୁଇ ଦିନ ଧରି ପ୍ରଭାବିତ ଜିଲ୍ଲା ଗସ୍ତ କରିବାର କାର୍ଯ୍ୟକ୍ରମ ରହିଛି ବୋଲି ଯୁଗ୍ମ ଏସଆରସି ପ୍ରଭାତ ମହାପାତ୍ର ସୂଚନା ଦେଇଛନ୍ତି । ପୂର୍ବରୁ ତିତଲି କ୍ଷୟକ୍ଷତିର ଚୂଡ଼ାନ୍ତ ରିପୋର୍ଟ କେନ୍ଦ୍ର ସରାକରଙ୍କୁ ପଠାଯିବ ବୋଲି ସ୍ୱତନ୍ତ୍ର ରିଲିଫ୍ କମିଶନର ବିଷ୍ଣୁପଦ ସେଠୀ କହିଥିଲେ ।
ତେବେ ସରକାରୀ ତଥ୍ୟ ଅନୁସାରେ ତିତଲି ପ୍ରଭାବରେ ରାଜ୍ୟରେ ପାଖାପାଖି ୭୭ ଜଣ ପ୍ରାଣ ହରାଇଥିବା ବେଳେ ୨୭୭୦ କୋଟି ଟଙ୍କାର କ୍ଷୟକ୍ଷତି ହୋଇଛି । ପୂର୍ବରୁ ତିତଲି ପ୍ରଭାବିତଙ୍କ ପାଇଁ ଅନେକ ସ୍ୱତନ୍ତ୍ର ପ୍ୟାକେଜ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଯେଉଁଥିଣେ ଗଜପତି, ଗଞ୍ଜାମ ଓ ରାୟଗଡ଼ା ଭଳି ଜିଲ୍ଳାରେ ବ୍ୟାପକ କ୍ଷୟକ୍ଷତି ହୋଇଥିବା ରିପୋର୍ଟରୁ ଜଣାପଡ଼ିଥିଲା ।
Kanak News is now on WhatsApp
Join and get latest news updates delivered to you via WhatsApp
ଦୁଇ ଦିନିଆ ଓଡ଼ିଶା ଗସ୍ତରେ ଆସୁଥିବା ଏହି କେନ୍ଦ୍ରୀୟ ଟିମ୍ ତିତଲି ପ୍ରଭାବିତ ଅଞ୍ଚଳ ପରିଦର୍ଶନ କରି କ୍ଷୟକ୍ଷତିର ଆକଳନ କରିବେ । ଏବଂ ଏହାପରେ ଜିଲ୍ଲା ପ୍ରଶାସନ ସହିତ ତିତଲିକୁ ନେଇ ଆଲୋଚନା କରିବାର କାର୍ଯ୍ୟକ୍ରମ ରହିଛି । ଏହାସହ ରାଜ୍ୟ ସରକାରଙ୍କ ବରିଷ୍ଠ ଅଧିକାରୀଙ୍କ ସହ ଆଲୋଚନା କରିବେ ବୋଲି ସୂଚନା ମିଳିଛି ।