ସୁନ୍ଦରଗଡ଼ରେ ଦ୍ୱିତୀୟ ଏମ୍ସ ପ୍ରତିଷ୍ଠା ପାଇଁ ଆରମ୍ଭ ହୋଇଛି ଅନୁଧ୍ୟାନ : ଭିତ୍ତିଭୂମି ଅନୁଧ୍ୟାନ କଲା କେନ୍ଦ୍ର ବୈଷୟିକ ଟିମ୍
କନକ ବ୍ୟୁରୋ : ସୁନ୍ଦରଗଡ଼ରେ ଦ୍ୱିତୀୟ ଏମ୍ସ ପ୍ରତିଷ୍ଠା ପାଇଁ ଆରମ୍ଭ ହୋଇଛି ଅନୁଧ୍ୟାନ । ଏଥିପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ଏକ ବୈଷୟିକ ଟିମ୍ ସୁନ୍ଦରଗଡରେ ପହଂଚିଛନ୍ତି । ଏଠାରେ ନିର୍ମାଣଧୀନ ଏନଟିପିସି ମେଡ଼ିକାଲ କଲେଜ ଓ ହସ୍ପିଟାଲର ଭିତିଭୂମି ଏମ୍ସ ଏଥିପାଇଁ ପ୍ରଜୁଯ୍ୟ ହେବ କି ନାହିଁ ତାର ଅନୁଧ୍ୟାନ କରାଯାଉଛି । ଅନୁଧ୍ୟାନ ପରେ ଏ ସମ୍ପର୍କରେ କେନ୍ଦ୍ରକୁ ରିପୋର୍ଟ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଟିମରେ ନୂଆଦିଲ୍ଲୀ ଏମ୍ସ ମେଡିକାଲ ଅଧୀକ୍ଷକ ଡ. ଡି.କେ. ଶର୍ମା, ନୂଆଦିଲ୍ଲୀ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟର ଭେଷଜ ଶିକ୍ଷା ନିର୍ଦ୍ଦେଶକ ଡ. ସଂଜୟ ରଏ, ନିର୍ଦ୍ଦେଶକ ନରେନ୍ଦ୍ର କୁମାର ଓଝା, ନୂଆଦିଲ୍ଲୀ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟର ବରିଷ୍ଠ ସ୍ଥପତି ରାଜୀବ କନୌଜିଆ, ଓଡ଼ିଶା ସରକାରଙ୍କ ଭେଷଜ ଶିକ୍ଷା ଓ ତାଲିମ ନିର୍ଦ୍ଦେଶାଳୟର ଡ. ସି.ବି.କେ. ମହାନ୍ତି, ବ୍ରଜକିଶୋର ଦାସ, ପ୍ରକାଶଚନ୍ଦ୍ର ମହାନ୍ତି ଓ ଭୁବନେଶ୍ବର ଏମ୍ସ ଉପ ନିର୍ଦ୍ଦେଶକ ପି.କେ. ରାୟ ଅନୁଧ୍ଯାନ କରିଥିଲେ। ଭିତ୍ତିଭୂମି ନିରୀକ୍ଷଣ କରି କେନ୍ଦ୍ରକୁ ପ୍ରାଥମିକ ରିପୋର୍ଟ ଦେବା ପରେ ତା’ଉପରେ କେନ୍ଦ୍ର ସ୍ବାସ୍ଥ୍ୟ ଵିଭାଗ ତର୍ଜମା କରି ପରବର୍ତ୍ତୀ ପଦକ୍ଷେପ ଗ୍ରହଣ କରିଵେ ଵୋଲି ସୂଚନା ରହିଛି।
ଏହି ଅବସରରେ ସୁନ୍ଦରଗଡ଼ ଜିଲ୍ଲା ଓକିଲ ସଂଘ ଓ ନାଗରିକ କମିଟି ଟିମକୁ ଭେଟି ଏମ୍ସ ପ୍ରତିଷ୍ଠା ନେଇ ଏକ ସ୍ମାରକପତ୍ର ପ୍ରଦାନ କରିଥିଲେ । ସୁନ୍ଦରଗଡ଼ରେ ଦ୍ଵିତୀୟ ଏମ୍ସ ପ୍ରତିଷ୍ଠା ପାଇଁ ୨୦୨୦ ନଭେମ୍ବରରେ ରାଜ୍ୟ ସରକାର କେନ୍ଦ୍ରକୁ ପ୍ରସ୍ତାବ ଦେବା ଓ ମାର୍ଚ୍ଚ ଶେଷ ସପ୍ତାହରେ ସ୍ବାସ୍ଥ୍ୟମନ୍ତ୍ରୀ ନବ କିଶୋର ଦାସ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ହର୍ଷ ବର୍ଦ୍ଧନଙ୍କୁ ଚିଠି ଲେଖିଥିଲେ । କେନ୍ଦ୍ରୀୟ ଟିମର ଅନୁଧ୍ୟାନ ରିପୋର୍ଟ ଓଡିଶାରେ ଦ୍ଵିତୀୟ ଏମ୍ସର ଭାଗ୍ୟ ନିର୍ଦ୍ଧାରଣ କରିବ ବୋଲି ପ୍ରକାଶ ପାଇଛି ।