ଜଙ୍ଗଲ ନିଆଁ ପ୍ରସଙ୍ଗରେ ରାଜ୍ୟ ସରକାରଙ୍କ ସହ ଆଜି କେନ୍ଦ୍ରୀୟ ଟିମର ଆଲୋଚନା : ଶିମିଳିପାଳ ପରେ ଚନ୍ଦକା ବନାଂଚଳ ବୁଲି ଦେଖିଥିଲା ଟିମ୍
ଏପଟେ ବନାଗ୍ନି ନିୟନ୍ତ୍ରଣରେ ଥିବା କହିଲା ରାଜ୍ୟ ସରକାରଙ୍କ ଟାସ୍କଫୋର୍ସ
କନକ ବ୍ୟୁରୋ : ଜଙ୍ଗଲ ନିଆଁ ପ୍ରସଙ୍ଗରେ ରାଜ୍ୟ ସରକାରଙ୍କ ସହ ଆଜି କେନ୍ଦ୍ରୀୟ ଟିମ ଆଲୋଚନା କରିବ । ବନାଗ୍ନି ସ୍ଥିତି ଅନୁଧ୍ୟାନ ଲାଗି କେନ୍ଦ୍ରରୁ ଆସିଥିବା ପ୍ରତିନିଧି ଦଳ ଶିମିଳିପାଳ ଏବଂ କୁଳଡିହା ଅଭୟାରଣ୍ୟ ପରିଦର୍ଶନ ପରେ ଚନ୍ଦକା ବନାଂଚଳ ବୁଲି ଦେଖିଥିଲା ଟିମ । ଆଜି ଏନେଇ ରାଜ୍ୟ ସରକାରଙ୍କ ସହ ଆଲୋଚନା କରିବା ନେଇ ରାଜ୍ୟସ୍ତରୀୟ ଟାସ୍କଫୋର୍ସ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିିକି ନୁହେଁ, ଟାସ୍କଫୋର୍ସ ଗଣମାଧ୍ୟମକୁ ଆହୁରି କିଛି ଯେ ଜଙ୍ଗଲ ନିଆଁ ଏବେ ସମ୍ପୂର୍ଣ୍ଣ ଭାବେ ଆୟତଧୀନ ରହିଛି । ହେଲେ ଆସନ୍ତା ଦିନରେ ତାପମାତ୍ରା ଆହୁରି ବଢ଼ିବ ଏବଂ ବନାଗ୍ନି ବଢ଼ିପାରେ । ସେ ଭୟ ରହିଥିବା ପରିପ୍ରେକ୍ଷୀରେ କ୍ଷେତ୍ର ଅଧିକାରୀଙ୍କୁ ସେମାନଙ୍କ ଅଂଚଳରେ ନିଆଁ ରୋକିବା ଲାଗି ସମ୍ପୂର୍ଣ୍ଣ ସତର୍କ ଏବଂ ସଚେତନ ରହିବାକୁ ନିର୍ଦ୍ଦେଶ ଦିଆଯାଇଛି । ଟାସ୍କଫୋର୍ସ ପକ୍ଷରୁ କୁହାଯାଇଛି ଅଗ୍ନି ପ୍ରଶମନ ଲାଗି ସ୍ଥାନୀୟ ସଂପ୍ରଦାୟ, ପଂଚାୟତିରାଜ ଅନୁଷ୍ଠାନମାନଙ୍କର ସହଯୋଗ ଡିଏଫ୍ଓମାନେ ଲୋଡ଼ିବା ଦରକାର । ଜିଲ୍ଲା ପ୍ରଶାସନ ସହିତ ମଧ୍ୟ ଉଭୟ ଆଂଚଳିକ ମୁଖ୍ୟ ବନ ସଂରକ୍ଷକ ଏବଂ ଡିଏଫଓ ଯୋଗାଯୋଗ ରହିବା ଲାଗି କୁହାଯାଇଛି ।