କେନ୍ଦ୍ରମନ୍ତ୍ରୀ ରାମବିଳାସ ପାସୱାନଙ୍କ ଦେହାନ୍ତ । ୭୪ ବର୍ଷ ବୟସରେ ଆଖିବୁଜିଲେ, ଉଭୟ ଏନଡିଏ ଓ ୟୁପିଏ ସରକାରରେ ରହିଛନ୍ତି ମନ୍ତ୍ରୀ ।
କନକ ବ୍ୟୁରୋ : କେନ୍ଦ୍ରମନ୍ତ୍ରୀ ରାମବିଳାସ ପାସୱାନଙ୍କ ଦେହାନ୍ତ । ୭୪ ବର୍ଷ ବୟସରେ ଆଖି ବୁଜିଲେ ପାସୱାନ । ଦୀର୍ଘ ଦିନ ଧରି ଅସୁସ୍ଥ ରହିଥିବା ପାସୱାନ ଆଜି ଦିଲ୍ଲୀର ଏକ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଏନେଇ ଏଲଜେପି ଅଧ୍ୟକ୍ଷ ତଥା ପୁଅ ଚିରାଗ ପାସୱାନ ଟ୍ୱିଟ୍ କରି ସ୍ପଷ୍ଟ କରିଛନ୍ତି । ମିସ୍ ୟୁ ପାପା ଲେଖିବା ସହ ଭାବବିହ୍ୱଳ ଟ୍ୱିଟ୍ କରିଛନ୍ତି ପାସୱାନ ।
Kanak News is now on WhatsApp
Join and get latest news updates delivered to you via WhatsApp
ମୋଦି ସରକାରରେ ମନ୍ତ୍ରୀ ଥିବା ପାସୱାନ ଲୋକସଭାକୁ ୮ଥର ନିର୍ବାଚିତ ହୋଇଥିବା ବେଳେ ରାଜ୍ୟସଭାକୁ ଥରେ ନିର୍ବାଚିତ ହୋଇଛନ୍ତି । ଉଭୟ ୟୁପିଏ ଓ ଏନଡିଏ ସରକାରରେ ମନ୍ତ୍ରୀ ରହି ଆସିଥିବା ପାସୱାନ ମୋଦି ସରକାରର ଦ୍ୱିତୀୟ ପାଳିରେ ଖାଦ୍ୟ ଯୋଗାଣ ମନ୍ତ୍ରୀ ରହିଥିଲେ । ଆଗକୁ ବିହାର ନିର୍ବାଚନ ଥିବାରୁ ପାସୱାନଙ୍କ ଦେହାନ୍ତ ଉଭୟ ଏଲଜେପି ଓ ଏନଡିଏ ପାଇଁ ଅପୂରଣୀୟ କ୍ଷତି ସୃଷ୍ଟି କରିଛି ।