କାନ୍ଧରେ ଅତ୍ୟାଧୁନିକ ବନ୍ଧୁକ ଓ ହାତରେ ବାଜା ବଜେଇ ନାଚଗୀତରେ ମସଗୁଲ ଲାଲବାହିନୀ : ସାମିଲ ହେଲେ ସୁକୁମା ଦାନ୍ତେୱାଡା ସୀମାବର୍ତି ଅଂଚଳର ବହୁ ସଂଖ୍ୟାରେ ଲୋକ; ୫ ମାସର ହିଂସାତ୍ମକ ଟିସିଓସି ପରେ ଖୁସି ମନାଇବାକୁ ଏକାଠି ହୋଇଛନ୍ତି ମାଓବାଦୀ
କନକ ବ୍ୟୁରୋ : କାନ୍ଧରେ ଅତ୍ୟାଧୁନିକ ବନ୍ଧୁକ ଓ ହାତରେ ବାଜା ବଜେଇ ଘଂଚ ଜଙ୍ଗଲରେ ଗ୍ରାମବାସୀଙ୍କ ସହ ନାଚ ଗୀତରେ ମସଗୁଲ ଲାଲବାହିନୀ । ଦୀର୍ଘ ୫ମାସର ହିଂସାତ୍ମକ ଟିସିଓସି ପରେ ଏ ହେଉଛି ଖୁସି ମନାଇବାର ଚିତ୍ର । ଏ ଦୃଶ୍ୟ ହେଉଛି ସୁକୁମା ଦାନ୍ତେୱାଡା ସୀମାବର୍ତିୀ ଘଂଚ ଜଙ୍ଗଲର । ପ୍ରତି ବର୍ଷ ପରି ଚଳିତ ବର୍ଷ ମଧ୍ୟ ମାଓବାଦୀମାନେ ଧୁମଧାମରେ ଏହାକୁ ପାଳନ କରିଛନ୍ତି । ଏହି କାର୍ଯ୍ୟକ୍ରମରେ ଛତିଶଗଡ ଦାନ୍ତେୱାଡା, ସୁକୁମା, ବିଜାପୁର ସମେତ ଆନ୍ଧ୍ରପ୍ରଦେଶ ଓ ତେଲେଙ୍ଗାନା ସୀମାବର୍ତି ଅଂଚଳର ପ୍ରାୟ ୨୧ ହଜାର ଗ୍ରାମବାସୀ ଯୋଗ ଦେଇଥିବା ନେଇ ମାଓ ସଂଗଠନ ଦାବି କରିଛି । ନାଚଗୀତ ସମେତ ଆଦିବାସୀଙ୍କ ମଧ୍ୟରେ ବିଭିନ୍ନ ଖେଳକୁଦ, ସଂଗୀତ ଆଦି ପ୍ରତିଯୋଗିତା ସହ ଭୋଜିଭାତର ଆସର ଜମିଥାଏ ଏହି ତିନିଦିନିଆ କଳା-ଗଜଗ କାର୍ଯ୍ୟକ୍ରମରେ ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି ମାଓବାଦୀମାନେ ପେବ୍ରୁଆରୀଠାରୁ ଜୁନ୍ ଶେଷ ପର୍ଯ୍ୟନ୍ତ ପୁଲିସ ବିରୋଧରେ ସେମାନଙ୍କର ଟିଓସି ଅର୍ଥାତ ଟ୍ୟାକ୍ଟିକାଲ କାଉଁଟର ଓଫେନ୍ସିଭ କ୍ୟାମ୍ପେନ ଜାରି ରଖିଥାନ୍ତି । ଆଉ ଟିସିଓସି ଶେଷ ହେବା ପରେ ସେଲିବ୍ରେସନ କରନ୍ତି । ଏହି ଭିଡିଓଟି ମାଓବାଦୀଙ୍କ ଦକ୍ଷିଣ ସବ୍ ଜୋନାଲ ବ୍ୟୁରୋ ପକ୍ଷରୁ ଜାରି କରାଯାଇଛି ।