ନାଳନ୍ଦାରେ ଅନ୍ତର୍ଜାତୀୟ ସ୍ତରର ସିସ୍ ଫାୟାର କମ୍ପାନୀର କ୍ୟାମ୍ପସ ଚୟନ ।
କନକ ବ୍ୟୁରୋ : ଗତ ଦୁଇଦିନ ଧରି ନାଳନ୍ଦା ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରେ ଅନ୍ତର୍ଜାତୀୟ ସ୍ତରର ସିସ୍ ଫାୟାର କମ୍ପାନୀ କ୍ୟାମ୍ପସ ଚୟନ ଆରମ୍ଭ କରିଥିଲା । କମ୍ପାନୀର ସେଲସ ଏବଂ ଅନଭେନସନର ସଭାପତି ଦିଲ୍ଲୀପ ଭଗୱାନୀଙ୍କ ନେତୃତ୍ୱରେ ହୋଇଥିଲା ଚୟନ ପ୍ରକ୍ରିୟା । ଏହି କ୍ୟାମ୍ପସ ଚୟନ ପ୍ରକ୍ରିୟାରେ ନାଳନ୍ଦାର ମେକାନିକାଲ୍, ଇଲେକ୍ଟ୍ରିକାଲ ଏବଂ ସିଭିଲ୍ ଛାତ୍ରଛାତ୍ରୀମାନେ ଯୋଗ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
କମ୍ପାନୀର ସଭାପତି ଛାତ୍ରଛାତ୍ରୀମାନଙ୍କୁ ସିସ୍ ଫାୟାର ଟେକ୍ନୋଲୋଜି ବିଷୟରେ ପୁଙ୍ଖାନୁପୁଙ୍ଖ ଭାବେ ବୁଝାଇଥିଲେ । ଏବଂ ସିସ୍ ଫାୟାରର ନୂଆ ଅତ୍ୟାଧୁନିକ ଟେକ୍ନୋଲୋଜିକୁ କିପରି ଆଗକୁ ନେଇଛି, ତାହା ବକ୍ତବ୍ୟ ମାଧାମରେ ଜଣାଇଥିଲେ । ତେେବେ ଏହି ଚୟନ ପ୍ରକ୍ରିୟାରେ କମ୍ପାନୀ ୫ଜଣ ଛାତ୍ରଙ୍କୁ କ୍ୟାମ୍ପସ ଦ୍ୱାରା ଚୟନ କରିଥିଲା । ନୂଆ ଟେକ୍ନୋଲୋଜିକୁ ଆପଣେଇଥିବାରୁ ଛାତ୍ରଛାତ୍ରୀଙ୍କୁ ଏହା ଉଚିତ୍ ପରିଶ୍ରମର ଫଳ ବୋଲି କହିଥିଲେ । ଚୟନ ପ୍ରକ୍ରିୟାରେ ନାଳନ୍ଦାର ଅଧ୍ୟକ୍ଷ ଡ. ଏନଏସ୍.କେ ରାୟ ଉପସ୍ଥିତ ରହିଥିଲେ ।