ଭୟଙ୍କର ହେଉଛି ଡେଲ୍ଟା ଭାରିଏଣ୍ଟ । ହାଡ଼ଫୁଟି ଭଳି ବ୍ୟାପୁଛି କରୋନା । ଆମେରିକାର ରୋଗ ନିୟନ୍ତ୍ରଣ ଓ ନିରାକରଣ କେନ୍ଦ୍ରର ଅନୁଧ୍ୟାନକୁ ନେଇ ବଢ଼ିଲା ଚର୍ଚ୍ଚା ।
- ହାଡ଼ଫୁଟି ଭଳି ବ୍ୟାପୁଛି କରୋନା
- ଚିନ୍ତା ବଢ଼ାଉଛି ଡେଲଟା ଭାରିଏଣ୍ଟ
Kanak News is now on WhatsApp
Join and get latest news updates delivered to you via WhatsApp
ବିଶ୍ୱର କିଛି ପ୍ରତିଷ୍ଠିତ ଖବରକାଗଜରେ ପ୍ରକାଶିତ ଏଭଳି ରିପୋର୍ଟ କରୋନା ଭୂତାଣର ଭୟାବହତାକୁ ପ୍ରକାଶ କରୁଛି । ଆମେରିକାର ରୋଗ ନିୟନ୍ତ୍ରଣ ଓ ନିରାକରଣ କେନ୍ଦ୍ର, କରୋନା ସଂକ୍ରମଣ ନେଇ ଯେଉଁ ତଥ୍ୟ ସାମ୍ନାକୁ ଆଣିଛି, ତାହା ସମସ୍ତଙ୍କ ଚିନ୍ତା ବଢ଼ାଇ ଦେଇଛି । ଏଥିରେ କୁହାଯାଇଛି, କରୋନାର ଡେଲଟା ଭାରିଏଣ୍ଟ ହାଡ଼ଫୁଟି ଭଳି ବ୍ୟାପୁଛି । ଏହି ଭୂତାଣୁ ଅଧିକ ସଂକ୍ରାମକ ହେଉଛି । ଏମିତି କି ସାଧାରଣ ଥଣ୍ଡାଠାରୁ ଅଧିକ ବେଗରେ ବ୍ୟାପୁଛି ଏବଂ ଅଧିକ ଗମ୍ଭୀର ହେଉଛି । ତେଣୁ ଅଧିକରୁ ଅଧିକ ସଚେତନ ହେବାର ଆବଶ୍ୟତା ରହିଛି ।
ଆମେରିକାର ରୋଗ ନିୟନ୍ତ୍ରଣ ଓ ନିରାକରଣ କେନ୍ଦ୍ର ବା ସିଡିସି ପକ୍ଷରୁ ହୋଇଥିବା ଏହି ଅନୁଧ୍ୟାନର ରିପୋର୍ଟ ସର୍ବସାଧାରଣରେ ପ୍ରକାଶ କରାଯାଇନାହିଁ । ତେବେ ଏହି ତଥ୍ୟଟି ସଂପୂର୍ଣ୍ଣ ସତ୍ୟ ବୋଲି ୱାସିଂଟନ୍ ପୋଷ୍ଟକୁ କହିଛନ୍ତି ସିଡିସି ଡାଇରେକ୍ଟର । ସେ କହିଛନ୍ତି ଏହି ଭୁତାଣୁ ଅଧିକ ସଂକ୍ରାମକ ଆମେ ସମସ୍ତେ ଜାଣନ୍ତି ଆଉ ଏହା ଏବେ ହାଡ଼ଫୁଟି ଭଳି ବ୍ୟାପୁଛି । ସଂପୂର୍ଣ୍ଣ ଟିକାକରଣ ହୋଇଥିବା ବ୍ୟକ୍ତି ମଧ୍ୟ ସେହି ହାରରେ ଅନ୍ୟକୁ ସଂକ୍ରମିତ କରୁଛନ୍ତି ଯେଉଁ ହାରରେ ଟିକା ନେଇନଥିବା ଲୋକ କରୁଛନ୍ତି ।
ସିଡିସିର ଏହି ଅନୁଧ୍ୟାନ ପରେ ଟିକା ନେଇଥିବା ଲୋକଙ୍କୁ ମଧ୍ୟ ମାସ୍କ ପିନ୍ଧିବାକୁ ପରାମର୍ଶ ଦିଆଯାଇଛି । ସେହିପରି ସଂକ୍ରମଣର ଅଧିକ ଆଶଙ୍କା ଥିବା ବନ୍ଦ ଘରେ, ଟିକାନେଇଥିଲେ ବି ମାସ୍କ ପିନ୍ଧିବାକୁ ପରାମର୍ଶ ଦିଆଯାଇଛି । ସ୍ଥିତି ଯେହେତୁ ଗୁରୁତର ରହିଛି, ପଦକ୍ଷେପ ମଧ୍ୟ କଡ଼ାକଡ଼ି ନେବାର ଆବଶ୍ୟକତା ରହିଛି ବୋଲି ଆମେରିକାର ରୋଗ ନିୟନ୍ତ୍ରଣ ଓ ନିରାକରଣ କେନ୍ଦ୍ର କହିଛି ।