ରାସ୍ତାରେ ମାଳମାଳ ହେଉଥିବା ପଶୁଙ୍କ ଉପରେ ନଜର ରଖିବ ସିସିଟିଭି ! ଖୁବଶୀଘ୍ର ଏହି ଯୋଜନା ହେବ କାର୍ଯ୍ୟକାରୀ ।
ନଗର ନିଗମ ଏଣିକି ବାହାରେ ବୁଲୁଥିବା ପଶୁମାନଙ୍କ ଉପରେ ସିସିଟିଭି ଜରିଆରେ ନଜର ରଖିବ । ଏଥିପାଇଁ ପ୍ରଥମେ ସେହି ସବୁ ସ୍ଥାନ ମାନଙ୍କୁ ଚିହ୍ନଟ କରାଯିବ, ଯେଉଁଠି ପଶୁମାନଙ୍କର ସବୁଠାରୁ ଅଧିକ ଅସୁବିଧା ହୋଇଥାଏ । ଚିହ୍ନଟ ହେବା ପରେ ସେହି ସ୍ଥାନ ମାନଙ୍କରେ ସିସିଟିଭି ଇନଷ୍ଟଲ୍ ହେବାର କାର୍ଯ୍ୟ ଆରମ୍ଭ କରାଯିବ । ଏହି ବ୍ୟବସ୍ଥା ମୋହାଲି ଠାରେ ହେବାକୁ ଯାଉଛି । ରାସ୍ତାକୁ ପଶୁମାନେ ସମ୍ପୂର୍ଣ୍ଣ ଭାବେ କବଜା କରିଦେଉଛନ୍ତି । ଯେଉଁଥିପାଇଁ ଏଭଳି ପଦକ୍ଷେପ ନିଆଯିବାର ନିଷ୍ପତ୍ତି ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନିଗମ ଅଧିକାରୀମାନଙ୍କ କହିବା ଅନୁଯାୟୀ, ଏହି ଗୃହପାଳିତ ପଶୁମାନେ ରାସ୍ତା ଉପରକୁ ଆସିବା ପାଇଁ ଲୋକମାନେ ମଧ୍ୟ ଦାୟୀ ଅଟନ୍ତି । ଲୋକମାନେ ଏହି ପଶୁମାନଙ୍କୁ ରୁଟି ସମେତ ଅନେକ ଖାଦ୍ୟ ସାମଗ୍ରୀ ଦେଇଥାନ୍ତି । ଯେଉଁଥିପାଇଁ ସେମାନେ ସେହି ସ୍ଥାନରେ ଆଡ୍ଡା ବନାଇ ଦେଇଥାନ୍ତି । ଆଉ ଏଥିପାଇଁ ଅନେକ ଦୁର୍ଘଟଣା ମଧ୍ୟ ଘଟିଥାଏ । ମୋହାଲି ନଗର ନିଗମ ପକ୍ଷରୁ ମାର୍କେଟ୍ ଏବଂ ଟ୍ରାଫିକ୍ ଲାଇଟରେ ସିସିଟିଭି କ୍ୟାମେରା ଲଗାଯିବ । ଏଥିପାଇଁ ଅତିରିକ୍ତ ବଜେଟ ମଧ୍ୟ ପାସ କରାଯାଇଛି । ଏବଂ ସେହି ସବୁ ସ୍ଥାନ ମାନଙ୍କର ଚିହ୍ନଟ ମଧ୍ୟ କରାଯାଇଛି, ଯେଉଁଠି ସିସିଟିଭି ଲଗାଯିବାର ଆବଶ୍ୟକତା ରହିଛି । ମେୟର କୁଲବନ୍ତ ସିଂହ କହିଛନ୍ତି, ପଶୁମାନଙ୍କ ଉପରେ ନଜର ରଖିବାକୁ ଲାଗିବାକି ଥିବା ସିସିଟିଭିର କାମ ସେହି କମ୍ପାନୀକୁ ଦିଆଯିବ, ଯିଏ ସେମାନଙ୍କୁ ଧରିବାର ଠିକା ନେବ । କ୍ୟାମେରା ଠିକାଦାର ଲଗଇବେ ସତ କିନ୍ତୁ ଏହାର କଣ୍ଟ୍ରୋଲ ରୁମ୍ କମିଶନରଙ୍କ ରୁମରେ ରହିବ ।