ଚୋରି କରିବାକୁ ଆସିଥିଲା , ସିସିଟିଭି କ୍ୟାମେରାରେ ଧରାପଡିଲା । ବାଇକ ଚୋରି ବେଳର ଦୃଶ୍ୟ କଏଦ ହେଲା ସିସିଟିଭିରେ
କନକ ବ୍ୟୁରୋ : ବାଇକ୍ ଲୁଟର ଲାଇଭ୍ ଭିଜୁଆଲ । ପଳାଶୁଣି ଅଂଚଳରୁ ଲୁଟେରା ଲୁଟ କରିବାବେଳେ ସିସିଟିଭିରେ କଏଦ ହୋଇଛି ଦୃଶ୍ୟ । କଏଦ ହୋଇଥିବା ଭିଜୁଆଲରୁ ଜଣାପଡୁଛି ବିଳମ୍ବିତ ରାତିରେ ଏହି ଲୁଟ ହୋଇଛି । ଲୁଟେରା ଜଣଙ୍କ ଚାଲିଚାଲି ଆସୁଛି । ଚୋର ଜଣଙ୍କ ଏପଟ ସେପଟ ଦେଖୁଛି । ତାପରେ ଘର ସାମନାରେ ବହୁତ ପୁରୁଣା ଗାଡି ରଖାଯାଇଥିଲେ ମଧ୍ୟ ନୂଆ ଗାଡି ଦେଖି ଚୋରି କରି ନେଇଛି । ବିଜୟ ପ୍ରଧାନ ନାମକ ଜଣେ ଯୁବକ ମାସକ ତଳେ ଏହି ନୂଆ ହୁଣ୍ଡା ୟୁନିକର୍ଣ୍ଣ କିଣିଥିଲେ । ତେବେ କହିବାକୁ ଗଲେ କ୍ରମାଗତ ଭାବରେ ରାଜଧାନୀରେ ଏପରି ମାମଲା ବଢିବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ମଧ୍ୟ ରସୁଲଗଡରେ ଜଣେ ହୋଟେଲ ମାଲିକଙ୍କୁ ପାଖରୁ ରାସ୍ତାରୁ ସୁନା ଚେନ ଲୁଟ କରିଥିବା ଘଟଣା ମନରୁ ଲିଭିନଥିବା ବେଳେ ଏବେ ପୁଣି ଥରେ ଏକ ନୂଆ ଘଟଣା ସାମ୍ନାକୁ ଆସିଛି । ସେପଟେ ବାରମ୍ବାର ଏପରି ଅଭିଯୋଗ ହେବା ପରେ କାହିଁକି ଘଟଣାର ପୁନରାବୃତି ହେଉଛି ତାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ସ୍ଥାନୀୟ ଲୋକେ । ଗଣମାଧ୍ୟମକୁ ନିଜ ପ୍ରତିକ୍ରିୟାରେ କହିଛନ୍ତି ଯେ, ନିଆଁ ଲିଭାଇବା ପାଇଁ ମେସିନ ରଖିବାକୁ ସରକାରୀ କର୍ମଚାରୀ କହୁଛନ୍ତି । ଆମେ ରଖିଲୁ ଏହାପରେ ଚୋର ଧରିବା ଲାଗି ସିସିଟିଭି ଲଗାଇବା ଲାଗି କହୁଛନ୍ତି ତାହା କଲୁ । ହେଲେ ବାରମ୍ବାର ଏପରି ଘଟଣା ହେଉଛି କାହିଁକି? ଲାଗୁଛି ପୋଲିସର ଏପରି ଅପରାଧୀଙ୍କ ସହ କିଛି ସମ୍ପର୍କ ରହିଛି ।