କନକ ବ୍ୟୁରୋ: ସେବାଦେୟ ନେଇ ପାରିବେନି ହୋଟେଲ । ଏନେଇ ମାର୍ଗଦର୍ଶିକା ଜାରି କରିଛି ସିସିପିଏ । କେହି ଯଦି ଏହି ନିୟମକୁ ଉଲ୍ଲଂଘନ କରେ ସେମାନଙ୍କ ଉପରେ ନିଆଯିବ କଡ଼ା କାର୍ଯ୍ୟାନୁଷ୍ଠାନ । ଖାଦ୍ୟ ଉପରେ ସେବାଦେୟ ଆଦାୟ ବେଆଇନ୍ । ଗ୍ରାହକଙ୍କୁ ଭୁଆଁ ବୁଲାଇ ସେମାନଙ୍କ ଠାରୁ ଏହାକୁ ଆଦାୟ କରିବା ହୋଟେଲ ଏବଂ ରେସ୍ତୋରାଁଗୁଡ଼ିକୁ ଏବେ ମହଙ୍ଗା ପଡ଼ିବ । ସ୍ୱତଃପ୍ରବୃତ ହେଉ କିମ୍ବା ଭୁଲବଶତଃ ଏମାନେ ସର୍ଭିସ ଚାର୍ଜ ଆଦାୟ କରିପାରିବେ ନାହିଁ । ଯଦି କରନ୍ତି ତାହେଲେ ଏହାର ପରିଣାମ ଭୋଗିବେ ।
Kanak News is now on WhatsApp
Join and get latest news updates delivered to you via WhatsApp
ଖାଲି ସେତିକି ନୁହେଁ ହୋଟେଲ ଏବଂ ରେଷ୍ଟୁରାଂଟଗୁଡ଼ିକ ଅନ୍ୟ କୌଣସି ଶୁକ୍ଲ ବାହାନାରେ ବି ଏହାକୁ ଲଗାଇପାରିବେ ନାହିଁ । ନିୟମର ଉଲ୍ଲଘଂନ କଲେ କଡ଼ା କାର୍ଯ୍ୟାନୁଷ୍ଠାନ ନିଆଯିବ । ଏନେଇ ମାର୍ଗଦଶିକା ଜାରି କରିଛନ୍ତି କେନ୍ଦ୍ର ଉପଭୋକ୍ତା ସୁରକ୍ଷା ପ୍ରାଧିକରଣ । ସେବାଦେୟକୁ ନେଇ ଅନେକ ଦିନ ଧରି ଲାଗି ରହିଥିବା ବିବାଦର ଅବସାନ ଘଟିଛି ।
ଏହାକୁ ବେଆଇନ୍ ଦର୍ଶାଇଛି ଉପଭୋକ୍ତା ବ୍ୟାପାର ମନ୍ତ୍ରାଳୟ । ଏହାସହ କେନ୍ଦ୍ରର ଏଭଳି ନିଷ୍ପତ୍ତିି ପରେ ପ୍ରତିକ୍ରିୟା ପ୍ରକାଶ କରିଛନ୍ତି ହୋଟେଲ ମାଲିକ । ସର୍ଭିସ ଚାର୍ଜ ଆଦାୟ ଉପରେ କଟକଣା ଲାଗିଲେ ଏହାକୁ ଭିନ୍ନ ଢଙ୍ଗରେ ଆଦାୟ କରିପାରନ୍ତି ହୋଟେଲ ଓ ରେସ୍ତୁରାଁ । କାରଣ ସେବା ଦେଉଥିବା କର୍ମଚାରୀଙ୍କୁ ଏହି ସର୍ଭିସ ଚାର୍ଜରୁ ଆଦାୟ ହେଉଥିବା ଟଙ୍କା ଦିଆଯାଇଥାଏ । ଜଣେ ପାରିଶ୍ରମିକ ନ ପାଇଲେ ସେବା କାହିଁକି ଦେବ ବୋଲି ପ୍ରଶ୍ନ କରିଛନ୍ତି ଓଡିଶା ହୋଟେଲ ଓ ରେସ୍ତୁରାଁ ମାଲିକ ସଂଘର ସଭାପତି । ସର୍ଭିସ ଚାର୍ଜ ବନ୍ଦ ହୋଇଗଲେ ସେବା ଯୋଗାଉଥିବା କର୍ମଚାରୀ କ୍ଷତି ସହିବେ ବୋଲି ସେ ମତ ରଖିଛନ୍ତି ।