ଶେଷ ୩ବର୍ଷର ଫଳାଫଳ ଅନୁସାରେ ପ୍ରକାଶ ପାଇପାରେ ସିବିଏସଇ ଦ୍ୱାଦଶ ରେଜଲ୍ଟ । ନବମ, ଦଶମ ଓ ଏକାଦଶ ଫଳାଫଳ ଅନୁସାରେ ହୋଇପାରେ ମୂଲ୍ୟାଙ୍କନ ।
କନକ ବ୍ୟୁରୋ: ଶେଷ ୩ବର୍ଷ ଫଳାଫଳ ଅନୁସାରେ ପ୍ରକାଶ ପାଇପାରେ ସିବିଏସଇ ଦ୍ୱାଦଶ ରେଜଲ୍ଟ । ଏଭଳି ଏକ ପ୍ରସ୍ତାବ ଉପରେ ଚର୍ଚ୍ଚା ହେଉଥିବା ଜାତୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି । ନବମ, ଦଶମ ଏବଂ ଏକାଦଶ ଶ୍ରେଣୀର ଫଳାଫଳ ଅନୁସାରେ ଦ୍ୱାଦଶ ଶ୍ରେଣୀର ପରୀକ୍ଷା ଫଳ ପ୍ରକାଶ କରିପାରେ ସିବିଏସଇ । ଅଧିକାଂଶ ରାଜ୍ୟ ପରୀକ୍ଷା କରିବାକୁ ଚାହୁଁଥିବା ବେଳେ କିଛି ରାଜ୍ୟ ପରୀକ୍ଷା ପୂର୍ବରୁ ସ୍କୁଲ କର୍ମକତା ଏବଂ ଶିକ୍ଷକଙ୍କର ଟିକାକରଣ ପାଇଁ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାରି ଭିତରେ କିଛି ରାଜ୍ୟ ଅଳ୍ପ ବିଷୟରେ ପରୀକ୍ଷା କରି ଫଳାଫଳ ବାହାର କରିବାକୁ ମଧ୍ୟ ଇଛା ପ୍ରକାଶ କରିଛନ୍ତି । ସିବିଏସଇର ନିଷ୍ପତି ଉପରେ ବିଭିନ୍ନ ରାଜ୍ୟର ବୋର୍ଡଗୁଡ଼ିକ ମଧ୍ୟ ନଜର ରଖିଛନ୍ତି । ସେହିପରି ଆଗକୁ ହେବାକୁ ଥିବା ପ୍ରବେଶିକା ପରୀକ୍ଷା ଗୁଡ଼ିକ ଉପରେ ମଧ୍ୟ ଏହାର ପ୍ରଭାବ ପଡ଼ବି । ଏସବୁ ଚର୍ଚ୍ଚା ବାହାରେ ସିବିଏସଇ ଆଉ ୨ଟି ପ୍ରସ୍ତାବ ଉପରେ ମଧ୍ୟ ଚିନ୍ତା କରୁଛି । ସେଗୁଡିକ ହେଲା ବିକଳ୍ପ-ଏ ଏବଂ ବିକଳ୍ପ-ବି । ବିକଳ୍ପ-ଏ ଅନୁସାରେ ଅଗଷ୍ଟ ୧ରୁ ୨୦ ତାରିଖ ଭିତରେ ୧୯ଟି ବିଷୟରେ ପରୀକ୍ଷା କରିବାର ପ୍ରସ୍ତାବ ଥିବା ବେଳେ ବିକଳ୍ପ-ବି ପ୍ରମୁଖ ବିଷୟ ଗୁଡ଼ିକର ଅବଜେଟିଭ ପରୀକ୍ଷା ପାଇଁ ପ୍ରସ୍ତାବ ରହିଛି ।