ଆଜିଠୁ ସିବିଏସଇ ଦଶମ ଓ ଦ୍ୱାଦଶ ପରୀକ୍ଷା : ସକାଳ ୯ଟାରୁ ୧୦ଟା ମଧ୍ୟରେ ପରୀକ୍ଷା କେନ୍ଦ୍ରକୁ ପ୍ରବେଶ କରିବେ ଛାତ୍ରଛାତ୍ରୀ

କନକ ବ୍ୟୁରୋ : ଆଜିଠୁ ସିବିଏସଇ ଦଶମ ଓ ଦ୍ୱାଦଶ ପରୀକ୍ଷା । ଆଜିଠୁ ଥିଓରୀ ପରୀକ୍ଷା ଆରମ୍ଭ ହେଉଥିବାରୁ ବୋର୍ଡ ପକ୍ଷରୁ ସମସ୍ତ ପ୍ରସ୍ତୁତି କରାଯାଇଛି । ଦେଶର ପାଖାପାଖି ୧୭ ଲକ୍ଷ ଦ୍ୱାଦଶ ଓ ୨୨ ଲକ୍ଷ ଦଶମ ଛାତ୍ରଛାତ୍ରୀ ପରୀକ୍ଷା ପାଇଁ ନାମ ପଞ୍ଜିକରଣ କରିଛନ୍ତି । ଓଡ଼ିଶାର ପ୍ରାୟ ୪୪ ହଜାର ପରୀକ୍ଷାର୍ଥୀ ଦଶମ ପରୀକ୍ଷା ଦେବେ ।

ସେହିପରି ଦ୍ୱାଦଶ ଶ୍ରେଣୀ ପାଇଁ ୧୮ ହଜାର ପିଲା ପରୀକ୍ଷା ଦେବେ । ଉଭୟ ଶ୍ରେଣୀର ପରୀକ୍ଷା ଦିନ ୧୦ଟାରେ ଆରମ୍ଭ ହେବ । ଏଥିପାଇଁ ୯ଟାରୁ ୧୦ଟା ମଧ୍ୟରେ ପରୀକ୍ଷାର୍ଥୀ ଏଗଜାମ୍ ହଲକୁ ପ୍ରବେଶ କରିବେ । କଡା ସୁରକ୍ଷା ମଧ୍ୟରେ ପରୀକ୍ଷା ହେବ । ପରୀକ୍ଷା କେନ୍ଦ୍ରକୁ ମୋବାଇଲ ଫୋନ୍ ନେବାକୁ ଅନୁମତି ଦିଆଯାଇ ନାହିଁ ।