ବିଏସପି ସୁପ୍ରିମୋ ମାୟାବତୀଙ୍କ ପାଇଁ ବଢିଲା ଅଡୁଆ। ଚିନି ମିଲ ଘୋଟାଲାରେ ଏବେ ଇଡି କରିବ ଯାଞ୍ଚ
କନକ ବ୍ୟୁରୋ: ବିଏସପି ସୁପ୍ରିମୋ ମାୟାବତୀଙ୍କ ପାଇଁ ବଢିଲା ଅଡୁଆ । ଚିନି ମିଲ ଘୋଟାଲାରେ ଏବେ ଇଡି କରିବ ଯାଂଚ । ମନି ଲଣ୍ଡ୍ରିଙ୍ଗ ମାମଲାର ଯାଂଚ କରିବ ପ୍ରବର୍ତନ ନିର୍ଦ୍ଦେଶାଳୟ । ପୂର୍ବରୁ ଯାଂଚ ସମୟରୁ ମିଳିଥିବା ସମସ୍ତ ଦସ୍ତାବିଜକୁ ସିବିଆଇ ଇଡିକୁ ହସ୍ତାନ୍ତର କରିଛି । ପୂର୍ବରୁ ସିବିଆଇ ଏହି ମାମଲାର ଯାଂଚ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଉତରପ୍ରଦେଶରେ ମାୟାବତୀଙ୍କ ଶାସନ ସମୟରେ ଅର୍ଥାତ ୨୦୧୦–୧୧ରେ ୨୧ଟି ଚିନି ମିଲକୁ ଭୂଲ ପ୍ରକ୍ରିୟାରେ ବିକ୍ରି କରାଯାଇଥିବାର ଅଭିଯୋଗ ରହିଛି । ସରକାର ନମ୍ରତା ପ୍ରାଇଭେଟ ଲିମିଟେଡ ନାମକ କମ୍ପାନୀକୁ ଫାଇଦା ପହଁଚାଇବାକୁ ଯାଇ ମିଥ୍ୟା ବାଲାନ୍ସ ସିଟ ଓ ନିବେଶର ମିଥ୍ୟା କାଗଜପତ୍ର ଆଧାରରେ ନୀଲାମିରେ ସାମିଲ ହେବା ପାଇଁ ଯୋଗ୍ୟ ମାନିନେଇଥିଲେ ।
୨୦୧୭ରେ ୟୁପିରେ ଯୋଗି ସରକାର ଆସିବା ପରେ ଚିନି ମିଲ ଘୋଟାଲା ମାମଲାର ଯାଂଚ ସିବିଆଇ ଦ୍ୱାରା ଆରମ୍ଭ କରିଥିଲେ । ଏହି ଚିନ ମିଲ ବିକ୍ରିରେ ୧୧୭୯ କୋଟି ଟଙ୍କାର କ୍ଷତି ହୋଇଥିଲା । ସିବିଆଇ ଯାଂଚ ବେଳେ ମାମଲା ମନିଲଣ୍ଡ୍ରିଙ୍ଗ ଜଣାପଡିବା ପରେ ଇଡି ହାତକୁ ତଦନ୍ତ ଭାର ଦିଆଯାଇଛି ।