ସିବିଆଇ ହାତକୁ ଗଲା ହାଥରସ୍ ଦୁଷ୍କର୍ମ ଓ ମୃତ୍ୟୁ ମାମଲା: କେନ୍ଦ୍ର ସରକାରଙ୍କ ପକ୍ଷରୁ ବିଜ୍ଞପ୍ତି ଜାରି; ଷଡଯନ୍ତ୍ର ଓ ଅପପ୍ରଚାର ପ୍ରସଙ୍ଗର ବି ତଦନ୍ତ କରିବ କେନ୍ଦ୍ରୀୟ ତଦନ୍ତକାରୀ ସଂସ୍ଥା
କନକ ବ୍ୟୁରୋ: ହାଥରସ୍ ଗଣଦୁଷ୍କର୍ମ ଓ ମୃତ୍ୟୁ ଘଟଣାର ସିବିଆଇ ତଦନ୍ତ ପାଇଁ କେନ୍ଦ୍ର ସରକାରଙ୍କ ନୋଟିସ୍ ଜାରି । ଏଣିକି ଏହି ବାବାଦୀୟ ଓ ଜଘନ୍ୟ ଘାଟଣାର ତଦନ୍ତ କରିବ କେନ୍ଦ୍ରୀୟ ତଦନ୍ତକାରୀ ସଂସ୍ଥା । ପୂର୍ବରୁ ଉତର ପ୍ରଦେଶ ସରକାର ସିବିଆଇ ତଦନ୍ତ ପାଇଁ ସୁପାରିଶ କରିଥିଲେ ଏବଂ ଗତ ମଙ୍ଗଳବାର ଦିନ ସୁପ୍ରିମକୋର୍ଟରେ ସିବିଆଇ ତଦନ୍ତ ଲାଗି ନିର୍ଦ୍ଦେଶ ଦେବାକୁ ଅନୁରୋଧ କରିଥିଲେ ରାଜ୍ୟ ସରକାର । ଏହାପରେ ହାଥରସ୍ ଗଣଦୁଷ୍କର୍ମ ଓ ମୃତ୍ୟୁ ଘଟଣାର ତଦନ୍ତ ଦାୟିତ୍ୱ ସିବିଆଇକୁ ଦେଇଛନ୍ତି କେନ୍ଦ୍ର ସରକାର ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରୀୟ ତଦନ୍ତକାରୀ ସଂସ୍ଥା କେବଳ ଗଣଦୁଷ୍କର୍ମ ନୁହେଁ ଜାତିବାଦୀ ହିଂସାପାଇଁ ହୋଇଥିବା ଅପରାଧୀକ ଷଡଯନ୍ତ୍ର, ହିଂସାତ୍ମକ କାଣ୍ଡ, ଗଣମାଧ୍ୟମ ଜରିଆରେ ରାଜନୈତିକ ଉଦ୍ଦେଶ୍ୟରଖି ଅପ୍ରଚାର ପ୍ରସଙ୍ଗର ମଧ୍ୟ ତଦନ୍ତ କରିବ । ଗତ ସେପ୍ଟେମ୍ବର ୨୯ ତାରିଖରେ ଉତର ପ୍ରଦେଶର ହାଥରସ୍ରେ ଜଣେ ଦଳିତ ଯୁବତୀ ଗୁରୁତର ଅବସ୍ଥାରେ ଦିଲ୍ଲୀ ସଭଦରଗଂଜ ହସ୍ପିଟାଲରେ ଆଖିବୁଜି ଥିଲେ । ତାଙ୍କୁ ଗତ ସେପ୍ଟେମ୍ବର ୧୪ ତାରିଖରେ ଗଣବଳାକ୍ରାର କରାଯାଇଥିବା ଅଭିଯୋଗ ହୋଇଥିଲା । ଏପରିକି ଅଭିଯୁକ୍ତମାନେ ତାଙ୍କୁ ଗୁରୁତର ଆହତ ମଧ୍ୟ କରିଥିଲେ ଏବଂ ତାଙ୍କର ଜିଭ କାଟି ଦେବା ଭଳି ନୃସଂଶ କାଣ୍ଡ ମଧ୍ୟ ଭିଆଇଥିଲେ ।
ଅନ୍ୟପଟେ ପରିବାର ଲୋକଙ୍କ ବିନା ସହମତିରେ ଯୁବତୀଙ୍କ ଶେଷ ସଂସ୍କାର କରିଥିଲା ପ୍ରଶାସନ । ତେବେ ଏହି ଘଟଣା ନେଇ ସ୍ଥାନୀୟ ପ୍ରଶାସନ ଓ ପୁଲିସର କାମକୁ ନେଇ ଅଭିଯୋଗ ଆସିଥିଲା । ଏହାକୁ ନେଇ ତୀବ୍ର ବିରୋଧ ଆସିବା ପରେ ମୁଖ୍ୟମନ୍ତ୍ରୀ ଏକ ଏସଆଇଟି ଗଠନ କରି ତଦନ୍ତ ନିର୍ଦ୍ଦେଶ ଦେଇଥିଲେ । ଏହା ସହ ଅଭିଯୋଗ ଆସିଥିବା ପୁଲିସ ଅଧିକାରୀଙ୍କୁ ନିଳମ୍ବିତ କରିଥିଲେ । ପରେ ଘଟଣାର ସିବିଆଇ ତଦନ୍ତ ପାଇଁ ସୁପାରିଶ କରିଥିଲେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ।