ସୁଶାନ୍ତ ସିଂ ଆତ୍ମହତ୍ୟା ମାମଲା : ଗର୍ଲଫ୍ରେଣ୍ଡ ରିୟାଙ୍କ ନାଁରେ ମାମଲା ରୁଜୁ କଲା ସିବିଆଇ, ଖୁବଶୀଘ୍ର ଫିଟିବ ସୁଶାନ୍ତଙ୍କ ସୁଇସାଇଡ ରହସ୍ୟ ।
କନକ ବ୍ୟୁରୋ : ଅଭିନେତା ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ତଦନ୍ତ ନିଜ ହାତକୁ ନେଇଛି ସିବିଆଇ । ଆଜି ସୁଶାନ୍ତଙ୍କ ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ, ତାଙ୍କ ଭାଇ ଓ ବ୍ୟକ୍ତିଗତ ସହାୟକ ନାମରେ ସିବିଆଇ ଏଫଆଇଆର ରୁଜୁ କରିଛି । ଏଥିସହ ଏହି ମାମଲାର ତଦନ୍ତ କରୁଥିବ ବିହାର ପୋଲିସ ସହିତ ମଧ୍ୟ ସିବିଆଇ କଥାବାର୍ତା ଜାରି ରଖିଛି ।
Kanak News is now on WhatsApp
Join and get latest news updates delivered to you via WhatsApp
ସୁଶାନ୍ତ ବାପାଙ୍କ ଅଭିଯୋଗ ଆଧାରରେ ସୁଶାନ୍ତଙ୍କୁ ଆତ୍ମହତ୍ୟା କରିବାକୁ ଉସୁକେଇବା ନେଇ ବିହାର ପୋଲିସ ପୂର୍ବରୁ ସୁଶାନ୍ତଙ୍କ ପୂର୍ବତନ ଗାର୍ଲଫ୍ରେଣ୍ଡ ରିୟାଙ୍କ ନାଁରେ ଏଫଆଇଆର କରିସାରିଛି । ଖୁବଶୀଘ୍ର ସିବିଆଇର ୱେସାଇଟରେ ଏହି ଏଫଆଇଆର ଅପଲୋଡ ହେବ ବୋଲି ସୂଚନା ମିଳିଛି । ସିବିଆଇ ଅଧିକାରୀଙ୍କ ସୂଚନା ମୁତାବକ, ସ୍ପେଶାଲ ଇନଭେଷ୍ଟିଗେସନ ଟିମ ବା ଏସଆଇଟି ସୁଶାନ୍ତ ସିଂହ ରାଜପୁତ ମାମଲାର ତଦନ୍ତ କରିବ ।
ଜୁନ ୧୪ ତାରିଖରେ ମୁମ୍ବାଇ ସ୍ଥିତ ତାଙ୍କ ବାସ ଭବନରେ ମିଳିଥିଲା ସୁଶାନ୍ତଙ୍କ ମୃତଦେହ । ଏହା ପଛରେ ଷଡଯନ୍ତ୍ର ଥିବା ନେଇ ଦୁଇଟି ଥିଓରୀ ଚର୍ଚ୍ଚାରେ ରହିଛି । ବଲିଉଡରେ ନେପୋଟିଜିମ ଏବଂ ସୁଶାନ୍ତଙ୍କ ପରିବାର ଲୋକଙ୍କ ଅଭିଯୋଗ ଅନୁସାରେ ରିୟା ସୁଶାନ୍ତଙ୍କୁ ଆତ୍ମହତ୍ୟା ପାଇଁ ଉସୁକେଇବା । ଏବେ ସିବିଆଇ ରିୟାଙ୍କୁ ମଧ୍ୟ ତଦନ୍ତ ପରିସରଭୁକ୍ତ କରିବାକୁ ଯାଉଛି । କାରଣ ବିହାରରେ ତାଙ୍କ ବିରୋଧରେ ମାମଲା ରୁଜୁ ହୋଇସାରିଛି । ଏପରିକି ପଇସା ହେରଫେର ଅଭିଯୋଗରେ ଇଡି ମଧ୍ୟ ଶୁକ୍ରବାର ହାଜର ପାଇଁ ରିୟାଙ୍କୁ ସମନ କରିଛି ।