ସମ୍ବଲପୁରରେ ଦନ୍ତା ହାତୀ ‘ଡନ’ର ଆତଙ୍କ : ଯୁଜୁମରା ମୁଣ୍ଢେରରେ ପଶି ଭାଙ୍ଗିଲା ୩-୪ଟି ଘର
କ୍ରସରରେ ପଶି ଭଙ୍ଗାରୁଜା କଲା ବେଳେ ଘଉଡାଇଲେ ଗାଁ ଲୋକ; ହାତୀ ଭୟରେ ଲୋକେ ମଂଚାରେ ରାତି ବାତାଇବାର ଆସିଥିଲା ଚିତ୍ର
କନକ ବ୍ୟୁରୋ : ସମ୍ବଲପୁର ଯୁଜୁମରାରେ ଆତଙ୍କ ଖେଳାଇଥିବା ଦନ୍ତାହାତୀ ‘ଡନ’ର ଚିତ୍ର କ୍ୟାମେରାରେ କଏଦ ହୋଇଛି । ପୂର୍ବଭଳି ଦନ୍ତା ହାତୀଟି ମୁଣ୍ଢେର ଅଂଚଳରେ ଆତଙ୍କ ଖେଳାଇଛି । ଗତକାଲି ଗାଁ ଭିତରକୁ ପଶିଆସି ୩ରୁ ୪ଟି ଘର ଭାଙ୍ଗି ପକାଇଛି ଉପଦ୍ରବକାରୀ ଦନ୍ତା ହାତୀ । ତେବେ ଏକ କ୍ରସର ଭିତରେ ପଶି ଭଙ୍ଗାରୁଜା କରୁଥିବା ବେଳେ ହନ୍ତାଟିକୁ ଘଉଡାଇଥିଲେ ସ୍ଥାନୀୟ ଲୋକେ । ଏହି ସମୟରେ ଦନ୍ତା ହାତୀଟିକ ଭିଡିଓ କ୍ୟାମେରାରେ କଏଦ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଖାଦ୍ୟ ଅଭାବରୁ ଜଙ୍ଗଲି ହାତୀଟି ବାରମ୍ବାର ଗାଁ ଭିତରକୁ ପଶିଆସି ଲୋକଙ୍କ ଘରେ ସାଇତା ଧାନ ଖାଇଯାଉଥିବାବେଳେ ବନ ବିଭାଗ ନିରୁପାୟ ହୋଇ ବସି ରହିଛି । ତେବେ ଆତଙ୍କିତ ହୋଇ ପଡିଥିବା ଲୋକେ ନିଜ ସାଇତା ଖାଦ୍ୟକୁ ସୁରକ୍ଷା ଦେବା ପାଇଁ ଜୀବନ ବିକଳରେ ନିଆଁ ଜଳାଇ କିମ୍ବା ଅନ୍ୟ ଉପାୟରେ ରାତିରେ ଦନ୍ତାକୁ ଘଉଡାଇବାକୁ ପ୍ରୟାସ କରୁଛନ୍ତି ।