ଜୋଶୀମଠ ଜଳପ୍ରଳୟ ଅପଡେଟ୍: ଦୁଇଟି ସ୍ଥାନରୁ ୧୫ଟି ଶବ ଉଦ୍ଧାର, ଏବେ ବି ୧୭୯ ଜଣ ନିଖୋଜ, ଚାଲିଛି ଉଦ୍ଧାରକାର୍ଯ୍ୟ ।
କନକ ବ୍ୟୁରୋ: କନକ ବ୍ୟୁରୋ: ପୁଣି ମିଳିଲା ଆଉ ୧୫ଟି ଶବ । ତପୋବନ ସୁଡ଼ଙ୍ଗରୁ ୮ଟି ଶବ ଉଦ୍ଧାର ହୋଇଥିବାବେଳେ ରାଇନୀ ଅଞ୍ଚଳରୁ ୭ଟି ଶବ ଉଦ୍ଧାର କରିଛି ଏନଡିଆରଏଫ । ତେବେ ଜୋଶୀମଠ ଜଳପ୍ରଳୟ ପରେ ୯ ଦିନ ପରେ ବି ଚାଲିଛି ଉଦ୍ଧାର କାର୍ଯ୍ୟ । ଏଯାବତ୍ ୫୩ଟି ଶବ ମିଳିଥିବାବେଳେ ୧୭୯ ଜଣ ନିଖୋଜ ଥିବା ଜୋଶୀମଠ ଥାନାରେ ମାମଲା ଦାୟର ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଉତ୍ତରାଖଣ୍ଡର ଚାମୋଲି ଜିଲ୍ଲାରେ ସଂଘଟିତ ହିମପ୍ରବାହ ବିଭୀଷିକାର ଆଜି ନବମ ଦିନରେ କାଦୁଅ ପଥରରେ ପୋତି ହୋଇ ରହିଥିବା ତପୋବନ ଜଳବିଦ୍ୟୁତ୍ କେନ୍ଦ୍ରର ଅବରୁଦ୍ଧ ଭଗ୍ନ ସୁଡ଼ଙ୍ଗ ଭିତରୁ ୮ ଜଣଙ୍କ ଶବ ଉଦ୍ଧାର କରାଯାଇଛି । ସୁଡ଼ଙ୍ଗରେ ଫସିଥିବା ବିପନ୍ନଙ୍କ ମଧ୍ୟରୁ କେତେକଙ୍କୁ ଜୀବନ୍ତ ଉଦ୍ଧାର କରିବା ଆଶା ବଳବତ୍ତର ରହିଛି । ଆଜି ୧୫ ଜଣଙ୍କ ଶବ ଉଦ୍ଧାର ପରେ ଉଦ୍ଧାର କାର୍ଯ୍ୟ ଆହୁରି ବ୍ୟାପକ ହୋଇଛି । ଆଇଟିବିପିର ୫ ଶହ ଯବାନ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି । ଏହି ମୁଖ୍ୟ ସୁଡ଼ଙ୍ଗର ୧୨ ଫୁଟ ତଳେ ରହିଥିବା ଏକ ଛୋଟ ସୁଡ଼ଙ୍ଗକୁ ବାଟ ଖୋଳି ସେହି ରାସ୍ତାରେ ଉଦ୍ଧାରକାରୀ ଦଳ ଭିତରେ ପଶିଛନ୍ତି । ଏହି ଦୁର୍ବିପାକରେ ଅଦ୍ୟାବଧି ୫୩ଟି ଶବ ଉଦ୍ଧାର ହୋଇଥିବା ବେଳେ ୧୭୯ ଜଣ ନିଖୋଜ ଅଛନ୍ତି । ଉକ୍ତ ସୁଡ଼ଙ୍ଗ ଭିତରେ ଫସିଥିବା ଅତି କମ୍ରେ ୧୫ ଜଣଙ୍କ ଜୀବିତ ଥାଇପାରନ୍ତି ବୋଲି ଆଶା କରାଯାଉଛି ।