ଓଟିପି ସେୟାରିଂ ମାମଲା : ଏସଟିଏଫ ହାତରେ ସାଂଘାତିକ ତଥ୍ୟ; ଭାରତର ଗୁପ୍ତ ତଥ୍ୟ ଦେବା ପାଇଁ ପାକିସ୍ତାନୀ ଏଜେଣ୍ଟଙ୍କଠୁ ୮୫ ଲକ୍ଷ ଆଣିଥିଲା ଅଭିଯୁକ୍ତ

କନକ ବ୍ୟୁରୋ : ଓଟିପି ସେୟାରିଂ ମାମଲାରେ ଏସଟିଏଫ ହାତରେ ସାଙ୍ଘାତିକ ତଥ୍ୟ । ଦେଶଦ୍ରୋହ, ମନି ଟ୍ରାଞ୍ଜାକ୍ସନ, ସନ୍ଦିଗ୍ଧ ମହିଳାଙ୍କ ସମ୍ପର୍କରେ ମିଳିଛି ସୁରାକ । ଭାରତରୁ ଗୁପ୍ତ ତଥ୍ୟ ପାଇବା ପାଇଁ ପାକିସ୍ତାନ କୋଟି କୋଟି ଖର୍ଚ୍ଚ କରିଥିଲା । ରିମାଣ୍ଡ ବେଳେ ତଦନ୍ତକାରୀ ସଂସ୍ଥା ଆଗରେ ସତ କହିଲା ଅଭିଯୁକ୍ତ । ପାକିସ୍ଥାନ ଏଜେଣ୍ଟଙ୍କ ଠାରୁ ଗୁପ୍ତ ସୂଚନା ଦେବାକୁ ଅଭିଯୁକ୍ତ ଆଣିଥିଲା ୮୫ ଲକ୍ଷ । ଅଭିଯୁକ୍ତ ଇକବାଲ ହୁସେନ ଆକାଉଣ୍ଟକୁ ପାକିସ୍ଥାନରୁ ଆସିଥିଲା ଏହି ଟଙ୍କା ।

ଏସଟିଏଫ ହାତରେ ଲାଗିଛି ଅଭିଯୁକ୍ତର ସିଡ଼ିଆର ରିପୋର୍ଟ । ଦିନକୁ ୧୦ ଥରରୁ ଉର୍ଦ୍ଧ୍ୱ ପାକିସ୍ଥାନକୁ କଲ କରୁଥିଲା ଅଭିଯୁକ୍ତ । ଏହି କଲ ପାଇଁ ନୀତିଦିନ ଫୋନ ଓ ସିମ ବଦଳାଉଥିଲା । ଇକବାଲ ହୁସେନ ଘର ଆସମରେ ହୋଇଥିବା ବେଳେ ସେ ବେଙ୍ଗାଳୁରୁରେ ରହୁଥିଲା । ପାକିସ୍ତାନ ଇଣ୍ଟେଲିଜେନ୍ସ ଆର୍ମି ଅଫିସର ଅବଦୁଲ ହମିଦ ଖୁରମ ସହ ଲିଙ୍କ ନେଇ ସନ୍ଦେହ । ଗିରଫ ଭୟରେ ପ୍ରତେକ ଦିନ ସିମ ଓ ମୋବାଇଲ ବଦଳାଉଥିଲା ଅଭିଯୁକ୍ତ । ପଠାଣି ଓ ଅଭିଜିତ ସଂଜୟକୁ ଗିରଫ ପରେ ଅନ୍ୟତ୍ର ଫେରାର ହୋଇ ଯାଇଥିଲା ଇକବାଲ ।