କନକ ବ୍ୟୁରୋ : ଓସିଏ ବିରୋଧରେ ଥାନାରେ ମାମଲା । ବୟସ ଜାଲିଆତି ଘଟଣାରେ ଓସିଏ ପାଲଟିଛି ପ୍ରୟୋଗଶାଳା । ଏଭଳି ଅଭିଯୋଗ ଆଣି ଥାନାରେ ଏତଲା ଦେଇଛି ଅଖୀଳ ଭାରତୀୟ ଭ୍ରଷ୍ଟାଚାର ବିରୋଧି ସଂଘ । ୧୦ ଜଣ ଖେଳାଳୀ ଏବଂ ଓସିଏ ପଦାଧିକାରୀଙ୍କ ବିରୋଧ ମାମଲା କରିଛି ସଂଘ । ଓଡିଶା କ୍ରିକେଟରେ ୧୬ ଏବଂ ୧୯ ବର୍ଷ ରୁ କମ୍ କ୍ରିକେଟ ଦଳର ବୟସ ଜାଲିଆତି ଅଭିଯୋଗ କରାଯାଇ ଖେଳାଳୀଙ୍କୁ ବଛାଯାଇଛି । ଏହି ଘଟଣାରେ ଚୟନ କମିଟି ମୁଖ୍ୟ, ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଏବଂ ଓସିଏ କାର୍ଯ୍ୟକାରୀ ସଭାପତିଙ୍କ ସଂପୃକ୍ତି ରହିଛି ବୋଲି ସଂଘ ଅଭିଯୋଗ କରିଛି ।
Kanak News is now on WhatsApp
Join and get latest news updates delivered to you via WhatsApp
ଅଖୀଳ ଭାରତୀୟ ଭ୍ରଷ୍ଟାଚାର ବିରୋଧି ସଂଘ କଟକ କ୍ୟାଂଟନମେଂଟ ଥାନାରେ ଅଭିଯୋଗ କରିବା ସହ ନିରପେକ୍ଷ ତଦନ୍ତ ଏବଂ କାର୍ଯ୍ୟାନୁଷ୍ଠାନ ଦାବୀ କରିଛି । ସେପଟେ ବୟସ ଜାଲିଆତି ଯୋଗୁଁ ବହୁ ପ୍ରତିଭାବାନ ଖେଳାଳୀଙ୍କୁ ଅଣଦେଖା କରାଯାଉଛି । ତେଣୁ ଓଡିଶା କ୍ରିକେଟର ଉନ୍ନତି ହେଉନଥିବା ବେଳେ ଭାରତୀୟ କ୍ରିକେଟ ଦଳରେ ଓଡିଶାକୁ ସ୍ଥାନ ମିଳୁନାହିଁ । ଏଭଳି ପ୍ରତିକ୍ରିୟା ରଖିଛନ୍ତି ପୂର୍ବତନ କ୍ରିକେଟର ପବନ ଅଗ୍ରଓାଲ । ପ୍ରତିଭାବାନ ଖେଳାଳୀଙ୍କ ଭବିଷ୍ୟତ ସହ ଓସିଏ ଖେଳ ଖେଳୁଥିବା ଅଭିଯୋଗ ପରେ କାଠଗଡାକୁ ଟାଣି ହୋଇଯାଇଛନ୍ତି ଓସିଏ ଏବଂ ଏହାର କର୍ମକର୍ତା ।