ଜେଲକୁ ଘାରିଛି କରୋନା ଭୟ : କରୋନା ପାଇଁ ଜେଲରୁ ୧୬ ହଜାର ୭୮୯ କଏଦୀ ମୁକୁଳିବା ନେଇ ଜେଲ ବିଭାଗ ପକ୍ଷରୁ ପ୍ରେସ ରିଲିଜ ଜାରି; ୧୨ ଶହ ୨ ଜଣ କଏଦୀଙ୍କୁ ଅନ୍ୟ ଜେଲକୁ କରାଗଲା ସ୍ଥାନାନ୍ତର
କନକ ବ୍ୟୁରୋ : ଜେଲକୁ ଘାରିଛି କରୋନା ଭୟ । କରୋନା ପାଇଁ ଜେଲରୁ ମୁକୁଳିଲେ ୧୬ ହଜାର ୭୮୯ କଏଦୀ । ଯେଉଁଥିରେ ବିଚାରାଧୀନ କଏଦୀ ଅଛନ୍ତି ୧୬ ହଜାର ୬୩୯ ଜଣ । ଏବଂ ଦୋଷୀ ସାବ୍ୟସ୍ତ ହୋଇଥିବା କଏଦୀ ଅଛନ୍ତି ୧୫୦ ଜଣ । ୩୦ଟି ଜିଲ୍ଲାରେ ୮୭ଟି ଜେଲରୁ ଏହି କଏଦୀଙ୍କୁ ମୁକ୍ତ କରାଯାଇଛି । ମାର୍ଚ୍ଚ ୨୦ରୁ ଜୁଲାଇ ୨୮ ତାରିଖ ପର୍ଯ୍ୟନ୍ତ ୧୬ ହଜାର ୭୮୯ କଏଦୀଙ୍କୁ ମୁକ୍ତ କରାଯାଇଥିବା ନେଇ ଜେଲ ବିଭାଗ ପକ୍ଷରୁଏକ ପ୍ରେସ ନୋଟ ଜାରି କରାଯାଇଛି । ଏଥିରେ କୁହାଯାଇଛି , ସର୍ବୋଚ୍ଚ ନ୍ୟାୟଳୟର ନିର୍ଦ୍ଦେଶ କ୍ରମେ ଏକ ଉଚ୍ଚ କ୍ଷମତା ସଂପନ୍ନ କମିଟି ଏହି ନିଷ୍ପତି ନେଇଛି ।
Kanak News is now on WhatsApp
Join and get latest news updates delivered to you via WhatsApp
ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ, ଗଠନ ହୋଇଥିବା ଏହି କମିଟିରେ ଜିଲ୍ଲା ଜଜ, ଜିଲ୍ଲା ମାଜିଷ୍ଟ୍ରେଟ, ପୁଲିସ ଆରକ୍ଷୀ ଅଧିକ୍ଷକ ଓ ଜେଲ ଅଧିକ୍ଷକ ଥିଲେ । ଜେଲରେ ଭିଡ କମ କରିବା ପାଇଁ ଏହି ନିଷ୍ପତି ନିଆଯାଇ କଏଦୀଙ୍କୁ ମୁକ୍ତ କରାଯାଇଛି । ବ୍ରହ୍ମପୁରରୁ ଜେଲରୁ ୫ ହଜାର ୨୩୧, ସମ୍ବଲପୁରରୁ ୩ ହଜାର ୭୧୬,କଟକରୁ ୩ ହଜାର ୪୬୫, ବାରିପଦାରୁ ୨ ହଜାର ୭୩୩, କୋରାପୁଟ ୧୬ ଶହ ୪୪ଙ୍କୁ ମିଶାଇ ମୋଟ ୧୬ ହଜାର ୭୮୯ ଜଣ କଏଦୀଙ୍କୁ ମୁକ୍ତି କରାଯାଇଛି ।