କାରରେ ସିଗାରେଟ୍ ଟାଣୁଥିବା ବେଳେ ସାନିଟାଇଜର ବ୍ୟବହାର କଲେ ଡ୍ରାଇଭର । ହଠାତ ଲାଗିଲା ଭୟଙ୍କର ନିଆଁ, ହୁତୁହୁତୁ ହୋଇ ଜଳିଗଲା କାର୍ ।
କନକ ବ୍ୟୁରୋ : ସାନିଟାଇଜର । କରୋନା ବିରୋଧୀ ଲଢେଇର ଏକ ବଡ଼ ଅସ୍ତ୍ର । ଭୂତାଣୁର ସଂକ୍ରମଣରୁ ବର୍ତ୍ତିବା ପାଇଁ ଅନେକ ବିଶେଷଜ୍ଞ ଏବଂ ବରିଷ୍ଠ ଡାକ୍ତର, ସାନିଟାଇଜର ବ୍ୟବହାର କରିବାକୁ ପରାମର୍ଶ ଦେଇଛନ୍ତି । ଏବଂ ସଂକ୍ରମଣ ସହ ଲଢିବାକୁ ଏହା ଏକ ବଡ ଅସ୍ତ୍ର ମଧ୍ୟ । କିନ୍ତୁ ଏହି ସାନିଟାଇଜର ପାଇଁ ଯେ, ଭୟଙ୍କର ନିଆଁ ଲାଗିଯିବ, ତାହା ସ୍ୱପ୍ନରେ ସୁଦ୍ଧା କେହି ଭାବିନଥିବେ । ଦେଶର ରାଜଧାନୀ ଦିଲ୍ଲୀରୁ ଆସିଛି କିଛି ଏମିତି ଦୃଶ୍ୟ ।
Kanak News is now on WhatsApp
Join and get latest news updates delivered to you via WhatsApp
ଜଣେ କାର ଡ୍ରାଇଭର ଯେତେବେଳେ, ଗାଡିରେ ବସି ସିଗାରେଟ୍ ଟାଣୁଥିଲେ, ସେତେବେଳେ ସେ ତାଙ୍କ ହାତ ସାନିଟାଇଜ୍ କରିବା ପାଇଁ, ସାନିଟାଇଜର କାଢିଥିଲେ । ଆଉ ଠିକ ଯେମିତି ସେ ତାଙ୍କ ହାତରେ ସାନିଟାଇଜରର ବ୍ୟବହାର କରିଛନ୍ତି, ହଠାତ୍ କାରରେ ଲାଗିଥିଲା ଭୟଙ୍କର ନିଆଁ ।
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ଏହି ଘଟଣା ଗତ ଗୁରୁବାର ସନ୍ଧ୍ୟା ପାଖାପାଖି ସାଢେ ୫ଟାରେ ଘଟିଥିଲା । ଏକ ସପିଂ ସେଂଟରର ପାର୍କିଂରେ ଛିଡା ହୋଇଥିବା ଏକ କାରରେ ଭୟଙ୍କର ନିଆଁ ଲାଗିଯାଇଥିଲା । ଯାହାକୁ ଲିଭାଇବା ପାଇଁ ଦମକଳ ବାହିନୀକୁ ଡାକିବାକୁ ପଡିଥିଲା । ତେବେ ନିଆଁ ଆୟତ ହେବା ବେଳକୁ କାରଟି ସମ୍ପୂର୍ଣ୍ଣ ଜଳିଯାଇଥିଲା । ତେବେ କୁହାଯାଉଛି, ସିଗାରେଟ ସଂସ୍ପର୍ଶରେ ଆସିବାରୁ ହ୍ୟାଣ୍ଡ ସାନିଟାଇଜରରେ ନିଆଁ ଲାଗିଯାଇଥିଲା । ଏବଂ ଏହି ନିଆଁ କାର ସାରା ବ୍ୟାପିଯାଇଥିଲା ।
ଡ୍ରାଇଭରର ଗୋଟିଏ ଭୁଲ ପଡିଲା ମହଙ୍ଗା । ହାତରେ ସାନିଟାଇଜର ଲଗାଇବା ବେଳେ, ପାଟିରେ ଥିବା ସିଗାରେଟର ନିଆଁର ଅଙ୍ଗାର ହାତରେ ପଡିଥିଲା । ଯାହାଫଳରେ ଘଟିଥିଲା ଏତେ ବଡ ଦୁର୍ଘଟଣା । ତେବେ ସେହି ସମୟର ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେଉଛି ।