କମୁଥିବା କରୋନା ସଂକ୍ରମଣକୁ ନଜରରେ ରଖି ସରକାରଙ୍କ ବଡ ନିଷ୍ପତ୍ତି , ଅକ୍ଟୋବର ୧୮ରୁ ବିମାନ ଉଡାଣ ଉପରୁ ହଟିବ ସମସ୍ତ ପ୍ରତିବନ୍ଧକ
କନକ ବ୍ୟୁରୋ : ଦେଶରେ ଧିରେ ଧିରେ କରୋନା ସଂକ୍ରମଣ କମିବାରେ ଲାଗିଛି । ଏହାକୁ ନଜର କରି ସରକାର ଗୋଟିଏ ପରେ ଗୋଟିଏ କରୋନା କଟକଣା ହଟାଇବାରେ ଲାଗିଛନ୍ତି । ଏହି କ୍ରମରେ ଯାତ୍ରୀବାହି ବିମାନ ଉଡାଣ ଓ ପୂର୍ଣ୍ଣ କ୍ଷମତା ସହ ଉଡାଣ ଉପରେ ଲଗାଇଥିବା ପ୍ରତିବନ୍ଧକ ଅକ୍ଟୋବର ୧୮ ତାରିଖ ଠାରୁ ହଟାଇ ଦିଆଯିବ ବୋଲି ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ କୁହାଯାଇଛି କି, ଅକ୍ଟୋବର ୧୮ ତାରିଖରୁ ଘରୋଇ ବ୍ୟବସାୟିକ ଓଡାଣରେ ଯାତ୍ରୀମାନଙ୍କ କ୍ଷମତା ଉପରେ ଲଗାଯାଇଥିବା ପ୍ରତିବନ୍ଧକ ହଟାଇ ଦିଆଯିବ । ଏହାର ଅର୍ଥ ଏବେ ବିମାନଗୁଡିକ ୧୦୦ ପ୍ରତିଶତ ଯାତ୍ରୀ କ୍ଷମତା ସହ ଉଡାଣ ଭରିପାରିବ । କହିରଖୁ କି ସେପ୍ଟେମ୍ବର ମାସରେ ଘରୋଇ ବିମାନରେ ୭୨.୫ ପ୍ରତିଶତ ଯାତ୍ରୀ କ୍ଷମତାକୁ ବୃଦ୍ଧି କରାଯାଇ ୮୫ ପ୍ରତିଶତ କରାଯାଇଥିଲା ।
Ministry of Civil Aviation permits to restore the scheduled domestic air operations from 18th October, without any capacity restriction pic.twitter.com/2kSbAkkd2E
— ANI (@ANI) October 12, 2021
ସୂଚନା ଥାଉକି କରୋନା କାରଣରୁ ୨୦୨୦ ମାର୍ଚ୍ଚ ୨୩ ତାରିଖରୁ ଅର୍ନ୍ତରାଷ୍ଟ୍ରୀୟ ବିମାନ ଉଡାଣ ଉପରେ ରୋକ୍ ଲଗାଯାଇଥିଲା । ହେଲେ ୨୦୨୦ ମେ ମାସରେ ‘ବନ୍ଦେ ଭାରତ ମିଶନ’ ମାଧ୍ୟମରେ ବିଶେଷ ଅର୍ନ୍ତରାଷ୍ଟ୍ରୀୟ ଉଡାଣ ପରିଚାଳନା କରାଯାଇଥିଲା । ଏହା ବ୍ୟତୀତ କିଛି ନିର୍ଦ୍ଧିଷ୍ଟ ଦେଶ ସହି ଦ୍ୱିପାକ୍ଷୀକ ଏୟାର ବବଲ ବ୍ୟବସ୍ଥା କ୍ରମରେ ୨୦୨୦ ଜୁଲାଇ ମାସରୁ ଉଡାଣ ପରିଚାଳନା କରାଯାଇଥିଲା ।