କେଉଁମାନଙ୍କୁ ମିଳିବନି ହୋମ୍ ଆଇସୋଲେସନ ଅନୁମତି ? ଆକ୍ରାନ୍ତ ଥିବା ଏହି ରୋଗୀମାନେ ରହି ପାରିବେନି ଘରୋଇ ସଙ୍ଗରୋଧରେ । ସରକାର ଦେଲେ ସେମାନଙ୍କ ତାଲିକା ।
କନକ ବ୍ୟୁରୋ: ସାମାନ୍ୟ ଲକ୍ଷଣ କିମ୍ବା ବିନା ଲକ୍ଷଣ ଥିଲେ ହୋମ୍ ଆଇସୋଲେସନରେ ରହିପାରିବେ କରୋନା ରୋଗୀ । ଘରୋଇ ସଙ୍ଗରୋଧରେ ରହିବାକୁ ସରକାର ନିଷ୍ପତ୍ତି ନେଉଥିବା କଥା ଆଜି ମୁଖ୍ୟ ଶାସନ ସଚିବ ସୂଚନା ଦେଇଥିବା ବେଳେ କେଉଁମାନେ ହୋମ୍ ଆଇସୋଲେସନରେ ରହିପାରିବେନି ତାର ମଧ୍ୟ ଏକ ତାଲିକା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏଚଆଇଭି ରୋଗୀ, ଅଙ୍ଗ ପ୍ରିରୋପଣ କରିଥିବା ବ୍ୟକ୍ତି, କ୍ୟାନସର ରୋଗୀ, ହୃଦରୋଗୀ ଏବଂ ଅଧିକ ବୟସ୍କ ଲୋକଙ୍କୁ ହୋମ୍ ଆଇସୋଲେସନରେ ରହିବାକୁ ଅନୁମତି ଦିଆଯିବନି । ଅନ୍ୟପଟେ ଦେହରେ ଅନେକ ରୋଗଥିବା ଲୋକଙ୍କୁ ବି ଘରୋଇ ସଙ୍ଗରୋଧ ମନା । ଆକ୍ରାନ୍ତ ହୋଇଥିବା ଏହି ସବୁ ରୋଗୀମାନେ କୋଭିଡ୍ କେୟାର ହୋମରେ ରହିଲେ ସେମାନଙ୍କ ଉଚିତ ଚିକିତ୍ସା କରାଯିବ । ତେଣୁ ସେମାନଙ୍କ ସ୍ୱାସ୍ଥ୍ୟ ପ୍ରତି ଅଧିକ ସତର୍କ ରହିବାକୁ ପଡୁଥିବାରୁ ସେମାନଙ୍କୁ ଘରୋଇ ସଂଙ୍ଗରୋଧ ମନା ।
ତେବେ ଘରେ ରହିପାରିବେ କରୋନା ଆକ୍ରାନ୍ତ । ସାମାନ୍ୟ ଲକ୍ଷଣ ଥିଲେ ଘରେ ରହିବାକୁ ସରକାର ନେଉଛନ୍ତି ନିଷ୍ପତ୍ତି । ଖୁବଶୀଘ୍ର ଏନେଇ ଘୋଷଣା କରିପାରନ୍ତି ସରକାର । ତେବେ ବିନା ଲକ୍ଷଣ କିମ୍ବା ସାମାନ୍ୟ ଲକ୍ଷଣ ଥିବା ଆକ୍ରାନ୍ତଙ୍କୁ ହୋମ୍ ଆଇସୋଲେସନ ପାଇଁ ଅନୁମତି ଦିଆଯିବ ବୋଲି ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ।
ସବୁଠାରୁ ବଡ କଥା ହେଉଛି ସହରାଞ୍ଚଳରେ ଏହି ସୁବିଧା ଦିଆଯିବ । ଏଣିକି ସର୍ତମୂଳକ ଭାବେ ସାମାନ୍ୟ ଲକ୍ଷଣ ଥିବା କରୋନା ରୋଗୀ ଘରେ ରହି ଚିକିତ୍ସା ହୋଇପାରିବେ । ୧୧୪ ପୌରାଞ୍ଚଳ, ବ୍ଲକ ହେଡ କ୍ୱାଟର, ଜିଲ୍ଲା ହେଟ କ୍ୱାଟରରେ ସର୍ତ୍ତ ସହ ଘରେ ରହିବାକୁ ସରକାର ଅନୁମତି ଦେଇଛନ୍ତି । ପ୍ରାଥମିକ ସ୍ତରରେ ଏହା ସହରାଞ୍ଚଳରେ ହେବାକୁ ଥିବା ବେଳେ ଯେଉଁମାନଙ୍କର ଅଲଗା ଘର, ଏବଂ ଅଲଗା ଲାଟିନ୍ ରହିଥିବ ସେମାନଙ୍କୁ ଏହି ସୁବିଧା ପାଇଁ ଅନୁମତି ମିଳିବ । ତେବେ ଘରେ ରହିଥିବା ଆକ୍ରାନ୍ତଙ୍କ ସବୁ ସୁବିଧା ସରକାର ବୁଝିବେ । ପିପିଇ କିଟ୍ ଠାରୁ ଔଷଧ ଏବଂ ଖାଦ୍ୟ କଥା ବି ବୁଝିବେ ସରକାର । ହୋମ୍ ଆଇସୋଲେନରେ ରହୁଥିବା ବ୍ୟକ୍ତିଙ୍କ ଘରେ ଜଣେ ଲୋକ ସରକାରଙ୍କ ସହ ସମ୍ପର୍କରେ ରହିବେ । ଆଉ ସବୁ ସୁବିଧା ଘରେ ପହଞ୍ଚାଇବେ ବୋଲି ଆଜି ମୁଖ୍ୟ ଶାସନ ସଚିବ ସୂଚନା ଦେଇଛନ୍ତି ।