ଆଉ ଚାଲିବନି ଚାଇନାର ଯାଦୂ…ବିଦେଶୀ ଆପର ଛୁଟି କରିବ ସ୍ୱଦେଶୀ ଆପ୍: କ୍ୟାମସ୍କାନର ଜାଗା ନେବ ଭାରତ ସ୍କାନର…
କନକ ବ୍ୟୁରୋ: ଭାରତୀୟ ବଜାରରେ ଆଉ ଚାଲିବନି ଚାଇନା ଆପର ରାଜ୍ । ଏଣିକି ଚାଇନା ଆପର ଜାଗା ନେବ ସ୍ୱଦେଶୀ ଆପ୍ । ଡାଟା ପ୍ରାଇଭେନ୍ସିକୁ ନଜରରେ ରଖି ଭାରତ ସରକାର ଚୀନର ପ୍ରାୟ ୫୯ଟି ଆପକୁ ଭାରତରେ ପ୍ରତିବନ୍ଧକ ଲଗାଇଛନ୍ତି । ତେବେ ଭାରତରେ ବ୍ୟାନ ହୋଇଥିବା ଆପଗୁଡିକ ମଧ୍ୟରେ କ୍ୟାମ ସ୍କାନର ଏବଂ ଟିକଟକ୍ ଭଳି ଅନେକ ଲୋକପ୍ରିୟ ଆପ ସାମିଲ ହୋଇଥିବା ବେଳେ ଏବେ ଏହି ଆପଗୁଡିକର ବିକଳ୍ପ ଖୋଜା ଚାଲିଛି ।
Kanak News is now on WhatsApp
Join and get latest news updates delivered to you via WhatsApp
ଏହି କ୍ରମରେ କ୍ୟାମସ୍କାନର ଭଳି ଆପକୁ ବ୍ୟାନ କରାଯିବା ପରେ ଭାରତରେ ବହୁ ସଂଖ୍ୟକ ୟୁଜର୍ସଙ୍କୁ ଅନେକ ସମସ୍ୟା ଦେଇ ଗତିକରିବାକୁ ପଡୁଛି । ତେଣୁ ଏଭଳି ୟୁଜର୍ସଙ୍କ ପାଇଁ ଏବେ ଆସିଛି ଏକ ଭଲ ଖବର । କ୍ୟାମସ୍କାନର ଭଳି ଏକ ଲଂଚ ହେଲା ଭାରତ ସ୍କାନର । ଫଳରେ ଭାରତସ୍କାନର ଆପକୁ ବ୍ୟବହାର କରି ଆପଣ ଆପଣଙ୍କର ବହୁ ଗୁରୁତ୍ୱପୂର୍ଣ୍ଣ ଦସ୍ତାବିଜକୁ ସ୍କାନ କରିପାରିବେ । ଏଥିସହିତ ଏହି ଆପକୁ ବ୍ୟବହାର କରି ଅନେକ ଫାଇଲକୁ ପିଡିଏଫରେ ମଧ୍ୟ ଆପଣ କନଭର୍ଟ କରିପାରିବେ ।
ଭାରତ ସ୍କାନରର ଆଧିକାରୀକ େଓବସାଇଟରେ ଦିଆଯାଇଥିବା ସୂଚନା ଅନୁସାରେ, ଏଥିରେ ଥିବା ଆପଣଙ୍କର ତଥ୍ୟ ସଂପୂର୍ଣ୍ଣ ସୁରକ୍ଷିତ । ଏହି ଆପ କେବଳ ଆପଣଙ୍କ ଫୋନରେ ଆପଣଙ୍କ ତଥ୍ୟ ରଖିଥାଏ । ଏଥିସହିତ ଏହି ସ୍ୱଦେଶୀ ।ପରେ ଅଟୋ ଏଜ କ୍ରିପିଂ ଭଳି ଫିଚର୍ସ ମଧ୍ୟ ଦିଆଯାଇଛି । ବଡ ହେଉଛି, ଭାରତ ସ୍କାନର ଆପଟି ପୂରା ମାଗଣା ଏବଂ ଏହି ଆପଟିକୁ ଆପଣ ଗୁଗୁଲ ପ୍ଲେ ଷ୍ଟୋରକୁ ଯାଇ ଅତି ସହଜରେ ଡାଉନଲୋଡ ମଧ୍ୟ କରିପାରିବେ ।