ଗଞ୍ଜାମ ପ୍ରଚାର ମଇଦାନରେ ଚିକିଟି ଯୁବରାଜ: ସେପଟେ ଜୟପୁରରେ ସ୍ୱାମୀଙ୍କ ସାଇକେଲରେ ବସି ପ୍ରଚାର କରୁଛନ୍ତି ଜିଲ୍ଲା ପରିଷଦ ପ୍ରାର୍ଥୀ

କନକ ବ୍ୟୁରୋ: ଗଂଜାମ ଜିଲ୍ଳାର ଚିକିଟି ଓ ପାତ୍ରପୁରରେ ନିର୍ବାଚନ ପ୍ରଚାର ଜୋର ଧରିଛି । ଚିକିଟିର ଯୁବରାଜ ପ୍ରଚାର ମଇଦାନରେ ଅଛନ୍ତି । ଚିକିଟି ଓ ପାତ୍ରପୁର ବ୍ଳକ ହେଉଛି ଓଡିଶା ଓ ଆନ୍ଧ୍ର ସିମାନ୍ତ ଅଂଚଳରେ ରହିଛି । ଏଠାରେ ଅନେକ ତେଲୁଗୁ ଭାଷାଭାଷି ଓ ଆଦିବାସୀ ବସବାସ କରନ୍ତି ।

ସ୍ୱାମୀ ସାଇକେଲ ଚଲାଉଛନ୍ତି, ପତ୍ନୀ ଭୋଟ ମାଗୁଛନ୍ତି । ନିର୍ବାଚନି ପ୍ରଚାର ପାଇଁ ଗାଁ ଏବେ ଗହଳଚହଳ । ଏତିକି ବେଳେ ସାମ୍ନାକୁ ଆସିଛି ସାଇକେଲରେ ପ୍ରଚାର ଦୃଶ୍ୟ ୍ୟ । କୋରାପୁଟ ଜିଲ୍ଲା ଜୟପୁର ବ୍ଳକର ୨ ନମ୍ବର ଜୋନ ବିଜେଡ଼ି ମହିଳା ଜିଲ୍ଲା ପରିଷଦ ପ୍ରାର୍ଥି ଆସ୍ଥା ନାୟକ, ସ୍ୱାମୀଙ୍କ ସାଇକେଲରେ ବସି ଗାଁ ଗାଁ ବୁଲୁଛନ୍ତି । ସକାଳୁ ସନ୍ଧ୍ୟା କାହା ଉପରେ ଭରସା ନ କରି ସ୍ୱାମୀଙ୍କ ସହ ସାଇକଲ ପ୍ରଚାରରେ ବାହାରି ପଡ଼ୁଛନ୍ତି ଆସ୍ଥା । ରାଜ୍ୟ ସରକାରଙ୍କ ଯୋଜନାକୁ ଅସ୍ତ୍ର କରି ଭୋଟ ହାତେଇବାକୁ ଚେଷ୍ଟା କରୁଛନ୍ତି ।