ଚୋରି କରିବାକୁ ଆସିଥିଲା, ନିସ୍ତୁକ ମାଡ ଖାଇଲା । ମୋବାଇଲ ଚୋରି କରୁଥିବା ବେଳେ ଧରି ପକାଇଲେ ଉତ୍ୟକ୍ତ ଲୋକ : ଯିଏ ଯେମିତି ପାଇଲା ସିଏ ସେମିତି ମାଇଲା
କନକ ବ୍ୟୁରୋ : ମୋବାଇଲ ଚୋରକୁ ନିସ୍ତୁକ ମାଡ । ସୁନ୍ଦରଗଡ ସହରର ଟାଉନଥାନା ବିଏସ ହାଇସ୍କୁଲ ଛକ ନିକଟରେ ମୋବାଇଲ ଚୋରି କରୁଥିବା ବେଳେ ଲୋକଙ୍କ ହାବୁଡରେ ପଡିଯାଇଥିଲେ ଚୋର । ଚୋରକୁ ଉତ୍ୟକ୍ତ ଲୋକେ ଧରି ନିକଟସ୍ଥ ସ୍କୁଲ ପରିସରକୁ ନେଇଥିଲେ, ତା ପରେ ଆରମ୍ଭ ହୋଇଥିଲା ମାଡ । ଚାପୁଡା, ଗୋଇଠା ସହ ବାଡିରେ ଚୋରି ଉଦ୍ୟମ କରିଥିବା ଯୁବକଙ୍କୁ ନିସ୍ତୁକ ମାଡ ମାରିଛନ୍ତି ଉତ୍ୟକ୍ତ ଲୋକେ । ଏହାପରେ ସପୃକ୍ତ ମୋବାଇଲ ଚୋରକୁ ପୁଲିସ ଜିମା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଧରାପଡିଥିବା ମୋବାଇଲ ଚୋରର ପରିଚୟ ଜଣା ପଡି ନାହିଁ । ତେବେ ସହରବାସୀ କହିଛନ୍ତି, ପଡୋଶୀ ଝାରଖଣ୍ଡରୁ କିଛି ଚୋର ଓ ଲୁଟେରା ଆସି ଏପରି କାଣ୍ଡ ଭିଆଇ ଫେରିଯାଇଥାନ୍ତି । ତେଣୁ ପୋଲିସରେ ଅଭିଯୋଗ ହେଲା ପରେ ମଧ୍ୟ ପୋଲିସ ସେମାନଙ୍କୁ ଧରିବାରେ ବିଫଳ ହୋଇଥାଏ ବୋଲି ଅଭିଯୋଗ କରିଛନ୍ତି ସୁନ୍ଦରଗଡ ବାସିନ୍ଦା ।