ନିଖୋଜ ହେଲେ କ୍ୟାଫେ କଫି ଡେ’ର ମାଲିକ ବିଜି ସିଦ୍ଧାର୍ଥ ! ହେଲିକ୍ୟାପ୍ଟର ଏବଂ ଡଙ୍ଗା ସାହାଯ୍ୟରେ ଚାଲିଛି ଉଦ୍ଧାରକାର୍ଯ୍ୟ , ୭ ହଜାର କୋଟି ଟଙ୍କାର କରଜରେ ବୁଡିଥିଲା କମ୍ପାନୀ ।
ଏସିଆର ସବୁଠାରୁ ବଡ କଫି କମ୍ପାନୀ କ୍ୟାଫେ କଫି ଡେ’ର ସଂସ୍ଥାପକ ତଥା ମାଲିକ ବିଜି ସିଦ୍ଧାର୍ଥ ବାଙ୍ଗାଲୋରର ମାଙ୍ଗଲୋରରୁ ଅଚାନକ ନିଖୋଜ ହୋଇଯାଇଛନ୍ତି । ପରିବାର କହିବାନୁସାରେ ସେ ସୋମବାର ସନ୍ଧ୍ୟାରେ ଘରୁ ବାହାରିଥିଲେ ସେହି ସମୟଠାରୁ ତାଙ୍କର କୌଣସି ପତ୍ତା ମିଳୁନାହିଁ । ତାଙ୍କ ଫୋନ୍ ବନ୍ଦ ଆସୁଥିବାବେଳେ ଡ୍ରାଇଭରର କହିବାନୁସାରେ ଉଲ୍ଳଲ ପୁଲରୁ ସେ ଡେଇଁପଡିଥିବା କଥା ଆଶଙ୍କା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ତାଙ୍କର ଏକ ଚିଠି ମଧ୍ୟ ମିଳିଛି ଯେଉଁଥିରେ ସେ ବୋର୍ଡ ଅଫ୍ ଡିରେକ୍ଟର ଏବଂ ସିସିଡି ପରିବାରକୁ କମ୍ପାନୀର ମାନ୍ଦାବସ୍ତା ଏବଂ ନିଜ ଉପରେ ଥିବା କରଜକୁ ନେଇ ବ୍ୟସ୍ତ ଥିବା କଥା ଜାହିର କରିଛନ୍ତି । କଫି କିଙ୍ଗ୍ ବିଜି ସିଦ୍ଧାର୍ଥଙ୍କୁ ଖୋଜିବା ପାଇଁ କନ୍ନଡ ପୋଲିସ୍ ହେଲିକ୍ୟାପ୍ଟର ଏବଂ କୋଷ୍ଟ ଗାର୍ଡର ସହୟତା ନେଇଛନ୍ତି । ପାଖାପାଖି ୨୦୦ ଲୋକଙ୍କୁ ତାଙ୍କୁ ଖୋଜିବା କାମରେ ଲଗାଯାଇଛି । ଏଥିମଧ୍ୟରେ ମୁଖ୍ୟମନ୍ତ୍ରୀ ବିଏସ୍ ୟେଦ୍ୟୁରପ୍ପା ମଧ୍ୟ ଏସଏମ୍ କୃଷ୍ଣା ଏବଂ ପରିବାର ସହ ସାକ୍ଷାତ୍ କରିବା ପାଇଁ ତାଙ୍କ ବାସଭବନରେ ପହଂଚିଥିଲେ ।
ରିପୋର୍ଟ ମୁତାବକ , ସୋମବାର ସନ୍ଧ୍ୟାବେଳେ ସିଦ୍ଧାର୍ଥ କାର୍ ନେଇ ଘରୁ ବାହାରିଥିଲେ । ମାଙ୍ଗଲୋର ପାଖରେ ଥିବା ନେତ୍ରାରାବତୀ ନଦୀ ପାଖରେ ପ୍ରସ୍ତୁତ ହୋଇଥିବା ପୋଲରେ କାର୍ ଅଟକାଇ କେଉଁଆଡେ ଚାଲିଯାଇଥିଲେ । ଏହି ସ୍ଥାନଟି ବାଙ୍ଗାଲୋରରୁ ପାଖାପାଖି ୩୭୫ କି.ମି. ଦୂରରେ ରହିଛି । ଘଣ୍ଟାଏ ପରେ ଯେତେବେଳେ ମାଲିକ କାର୍ ପାଖକୁ ଆସିଲେନାହିଁ ସେତେବେଳେ ଡ୍ରାଇଭର୍ ଙ୍କୁ ଚିନ୍ତା ହେବାକୁ ଲାଗିଲା ଏବଂ ସେ ସିଦ୍ଧାର୍ଥଙ୍କୁ ଖୋଜିବାକୁ ଲାଗିଲେ । ସିଦ୍ଧାର୍ଥଙ୍କ କୌଣସି ଖବର ନ ମିଳିବାରୁ ଡ୍ରାଇଭର୍ ପରିବାର ଏବଂ ପୋଲିସଙ୍କୁ ଏନେଇ ଖବର ଦେଲେ । ପୋଲିସକୁ ମିଳିଥିବା ସୂତ୍ର ଅନୁସାରେ , ନିଖୋଜ ହେବା ପୂର୍ବରୁ ସିଦ୍ଧାର୍ଥ ନିଜ ସିଏଫଓଙ୍କ ସହ କଥାବାର୍ତ୍ତା କରି କମ୍ପାନୀର ଯତ୍ନ ନେବାକୁ କହିଥିଲେ । ତେବେ ସୂତ୍ର ଅନୁସାରେ ସିସିଡି ଉପରେ ୭ ହଜାର କୋଟି ଟଙ୍କାର କରଜ ଥିଲା । କରଜ କାରଣରୁ ସିଦ୍ଧାର୍ଥ ଆତ୍ମହତ୍ୟା କରିଥିବା କଥା ପୋଲିସ୍ ଏବେ ଆଶଙ୍କା କରୁଛି ।
