ଚାଷୀ ଭାଇ ମାନଙ୍କ ପାଇଁ ଖୁସି ଖବର । ଖରିଫ୍ ଫସଲରେ ୫୦ ପ୍ରତିଶତ ସର୍ବନିମ୍ନ ସହାୟକ ଦର ବୃଦ୍ଧି କଲେ କେନ୍ଦ୍ର ସରକାର । କ୍ୟାବିନେଟ୍ ବୈଠକରେ ନିଷ୍ପତ୍ତି
କନକ ବ୍ୟୁରୋ : ୨୦୨୧-୨୨ ଆର୍ଥିକ ବର୍ଷ ପାଇଁ କେନ୍ଦ୍ର ସରକାର ଖରିଫ୍ ଫସଲ ଉପରେ ୫୦ ପ୍ରତିଶତ ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି କରିଛନ୍ତି । ଏନେଇ ବୁଧବାର ଦିନ କେନ୍ଦ୍ର କ୍ୟାବିନେଟ୍ ମଞ୍ଜୁରୀ ପ୍ରଦାନ କରିଛନ୍ତି । ଏନେଇ ସୂଚନା ଦେଇଛନ୍ତି କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ରସିଂ ତୋମର ।
Kanak News is now on WhatsApp
Join and get latest news updates delivered to you via WhatsApp
ତୋମର କହିଛନ୍ତି କି ଖରିଫ୍ ଫସଲ ଉପରେ କେନ୍ଦ୍ର ସରକାର ୫୦ ପ୍ରତିଶତ ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି । ଏହାସହ ସେ କହିଥିଲେ କି କେନ୍ଦ୍ର ସରକାର ୭ ବର୍ଷ ହେବ କୃଷି ଓ କୃଷକ ମାନଙ୍କ ହିତରେ ପଦକ୍ଷେପ ନେଉଛନ୍ତି । ସେମାନଙ୍କ ସମସ୍ୟା ଉପରେ ଚର୍ଚ୍ଚା କରିବାକୁ ସରକାର ସର୍ବଦା ପ୍ରସ୍ତୁତ ଥିବା କଥା ସେ କହିଛନ୍ତି ।
କେନ୍ଦ୍ର ସରକାରଙ୍କ ନିଷ୍ପତ୍ତି ପରେ ଧାନ ଉପରେ ଏମଏସପି ୭୨ ଟଙ୍କା ବୃଦ୍ଧି ପାଇବ । ଅର୍ଥାତ ଖରିଫ୍ ଧାନକୁ କୃଷକମାନେ ୧୮୬୮ ଟଙ୍କା ବଦଳରେ ୧୯୪୦ ଟଙ୍କାରେ ଧାନ ବିକ୍ରି କରିପାରିବେ ।
Cabinet has approved MSP for kharif crops for marketing season 2021-22. Highest absolute increase in MSP over the previous year has been recommended for sesamum (Rs 452 per quintal) followed by tur & urad (Rs 300 per quintal each): Govt of India
— ANI (@ANI) June 9, 2021
ଏନେଇ ତୋମର କହିଛନ୍ତି କି କୃଷକ ମାନଙ୍କ ସ୍ୱାର୍ଥରେ କୃଷିଜାତ ଉତ୍ପାଦର ମୂଲ୍ୟ ବୃଦ୍ଧି କରାଯାଇଛି ଓ ଭବିଷ୍ୟତରେ ବି ଏଭଳି ବୃଦ୍ଧି ଜାରି ରହିବ ବୋଲି ସେ କହିଛନ୍ତି । ଅନ୍ୟପଟେ ନୂଆ କୃଷି ଆଇନକୁ ବିରୋଧ କରି ଆନ୍ଦୋଳନ ଚଳାଇଥିବା କୃଷକ ମାନଙ୍କ ଉର୍ଦ୍ଦେଶ୍ୟରେ ତୋମର କହିଛନ୍ତି କି, ସେମାନଙ୍କ ସମସ୍ୟାର ସମାଧାନ ପାଇଁ ସରକାର ସବୁବେଳେ ପ୍ରସ୍ତୁତ । କୃଷି କାନୁନ ଉପରେ ତର୍କ ଆଧାରରେ କୃଷକ ନେତାମାନେ ବୈଠକକୁ ଆସିଲେ ସମସ୍ୟାର ସମାଧାନ ହୋଇ ପାରିବ ।
ଏନେଇ ଏକ ସାମ୍ବାଦିକ ସମ୍ମିଳନୀର କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର କହିଛନ୍ତି କି ଖରିଫ୍ ଋତୁ ପୂର୍ବରୁ ସରକାର କୃଷକମାନଙ୍କ ହିତରେ କୃଷିଜାତ ଉତ୍ପାଦର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି କରିଛନ୍ତି । ଏହାସହ କୃଷିଜାତ ସାମଗ୍ରୀର ଟ୍ରାନ୍ସପୋଟେସନ୍ କୁ ସୁରକ୍ଷିତ କରିବାକୁ ସରକାର ରେଳ ବିଭାଗକୁ ଅଧିକ ୪ ଜି ସ୍ପେକ୍ଟ୍ରମ ଆବଣ୍ଟିତ କରାଯାଇଛି । ଯାହାକି ପୂର୍ବରୁ ୨ ଜି ସ୍ପେକ୍ଟ୍ରମ ଉପଯୋଗ ହେଉଥିଲା ।