ଆଜିଠାରୁ ଦେଶରେ ଲାଗୁ ହୋଇପାରେ ନାଗରିକତା ସଂଶୋଧନ ବିଧେୟକ । କେନ୍ଦ୍ର ସରକାର ଜାରି କରିପାରନ୍ତି ବିଜ୍ଞପ୍ତି
କନକ ବ୍ୟୁରୋ : ଆଗାମୀ ଲୋକସଭା ନିର୍ବାଚନ ନେଇ କିଛିଦିନ ମଧ୍ୟରେ ତାରିଖ ଘୋଷଣା ହେବ । ହେଲେ ଏହି ସମୟରେ କେନ୍ଦ୍ର ସରକାର ନାଗରିକ ସଂଶୋଧନ ଆଇନ ଲାଗୁ କରିବାକୁ ଯାଉଛନ୍ତି । ସୂତ୍ର ସୂଚନା ମୁତାବକ ସୋମବାର ରାତିରେ କେନ୍ଦ୍ର ସରକାରଙ୍କ ତରଫରୁ ଏନେଇ ବିଜ୍ଞପ୍ତି ଜାରି କରାଯାଇପାରେ । କେନ୍ଦ୍ର ସରକାର ବିଜ୍ଞପ୍ତି ଜାରି କରିବା ପରେ ଆଜିଠାରୁ ଦେଶରେ ନାଗରିକ ସଂଶୋଧନ ବିଧେୟକ ଲାଗୁ ହେବ । ନାଗରିକ ସଂଶୋଧନ ବିଧେୟକ ବା ସିଏଏ ୫ ବର୍ଷ ତଳୁ ସଂସଦରେ ପାରିତ ହୋଇସାରିଛି । ଏବେ ଲୋକସଭା ନିର୍ବାଚନ ପାଇଁ ତାରିଖ ଘୋଷଣା ପୂର୍ବରୁ କେନ୍ଦ୍ର ସରକାର ସିଏଏ ଲାଗୁ କରିପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
କିଛିଦିନ ତଳେ ଏକ ନିର୍ବାଚନୀ ସଭାରେ ଗୃହମନ୍ତ୍ରୀ ଅମିତ ଶାହା ନାଗରିକ ସଂଶୋଧନ ବିଲ୍ ଲାଗୁ ନେଇ ସ୍ପଷ୍ଟ କରିଥିଲେ । ସେ ଘୋଷଣା କରିଥିଲେ କି, ଲୋକସଭା ନିର୍ବାଚନ ପୂର୍ବରୁ ଦେଶରେ ସିଏଏ ଲାଗୁ ହେବ । ସୂତ୍ର ସୂଚନା ମୁତାବକ ଗୃହମନ୍ତ୍ରଣାଳୟ ତରଫରୁ ଏହି ଆଇନ ଲାଗୁ କରିବା ନେଇ ସମସ୍ତ ପ୍ରସ୍ତୁତି ଶେଷ ହୋଇଛି କେବଳ ବିଜ୍ଞପ୍ତି ପ୍ରକାଶ ପାଇବା ବାକି ରହିଛି ।
୨୦୧୯ ମସିହାରେ କେନ୍ଦ୍ର ସରକାର ନାଗରିକତା ଆଇନର ସଂଶୋଧନ କରିଥିଲେ । ଏଥିରେ ଆଫଗାନିସ୍ତାନ, ପାକିସ୍ତାନ ଓ ବାଂଲାଦେଶରୁ ୨୦୧୪ ଡିସେମ୍ବର ୩୧ ତାରିଖ ପୂର୍ବରୁ ଆସିଥିବା ଅଳ୍ପସଂଖ୍ୟକ (ହିନ୍ଦୁ, ଇସାଇ, ସିଖ୍ଳ ଜୈନ, ବୌଦ୍ଧ ଓ ପାରସୀ)ଙ୍କୁ ଭାରତୀୟ ନାଗରିକତା ପ୍ରଦାନ କରିବାର ପ୍ରାବଧାନ ରହିଛି । ନିୟମ ମୁତାବକ ନାଗରିକତା ପ୍ରଦାନ କରିବାର ଅଧିକାର କେବଳ କେନ୍ଦ୍ର ସରକାରଙ୍କ ହାତରେ ରହିଛି ।