କନକ ବ୍ୟୁରୋ : ୨୦୨୨ ଆରମ୍ଭରେ ଦେଶର ୫ ଟି ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏହି ରାଜ୍ୟମାନଙ୍କ ମଧ୍ୟରେ ରହିଛି ଉତ୍ତରପ୍ରଦେଶ, ପଞ୍ଜାବ, ମଣିପୁର, ଗୋଆ ଓ ଉତ୍ତରାଖଣ୍ଡ । ନିର୍ବାଚନକୁ ଅନେକ ଦିନ ବାକିଥିବା ବେଳେ ଏହି ରାଜ୍ୟମାନଙ୍କରେ ରାଜନୈତିକ ସରଗରମ ଦେଖିବାକୁ ମିଳିଛି । କେନ୍ଦ୍ରୀୟ ଦଳର କେନ୍ଦ୍ରୀୟ ନେତା ଓ ଆଞ୍ଚଳିକ ଦଳର ସ୍ଥାନୀୟ ନେତାମାନେ ଏବେଠାରୁ ଗଡ ଜଗିବା ଆରମ୍ଭ କରିଛନ୍ତି । ନିର୍ବାଚନ ପୂର୍ବରୁ ଶାସନ କ୍ଷମତାରେ ଥିବା ଦଳମାନେ ଲୋକମାନଙ୍କ ପାଇଁ ନୂଆ ନୂଆ ଯୋଜନା ପ୍ରଣୟନ କରୁଥିବା ବେଳେ କ୍ଷମତା ବାହାରେ ଥିବା ଦଳମାନେ ଲୋକମାନଙ୍କୁ ପ୍ରତିଶ୍ରୁତିର ପାହାଡ ଉପରେ ଠିଆ କରାଇବାରେ ଲାଗିଛନ୍ତି । ବିଜେପିରୁ ନେଇ କଂଗ୍ରେସ ଓ ଆପରୁ ନେଇ ଏସପି ଏବଂ ବିଏସପି ପର୍ଯ୍ୟନ୍ତ ସମସ୍ତେ ନିଜ ନିଜର ବଳ ପ୍ରୟୋଗ କରିବାରେ ଲାଗିଛନ୍ତି । ଏହା ବ୍ୟତୀତ ସମସ୍ତ ଅଞ୍ଚଳିକ ଦଳମାନେ ବି ନିର୍ବାଚନୀ ଦୌଡରେ ପଛରେ ପଡି ନାହାଁନ୍ତି । ଏହାରି ମଧ୍ୟରେ ସବୁଠାରୁ ବଡ ସେର୍ଭେ କୁହାଯାଉଥିବା ଏବିପି ସି ଭୋଟର ସର୍ଭେ ରିପୋର୍ଟ ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ସି ଭୋଟର ସେର୍ଭ ମୁତାବକ ନିର୍ବାଚନ ହେବାକୁ ଥିବା ସବୁଠାରୁ ବଡ ରାଜ୍ୟ ୟୁପିରେ ପୁଣି ବିଜେପି ସରକାର କରିବ ବୋଲି ଅନୁମାନ କରାଯାଇଛି । ୟୁପିରେ ମୋଟ ବିଧାନସଭା ଆସନ ସଂଖ୍ୟା ୪୦୩ ହୋଇଥିବା ବେଳେ ଶାସକ ବିଜେପିକୁ ୨୧୩-୨୨୧, ସମାଜବାଦୀ ପାର୍ଟିକୁ ୧୫୨-୧୬୦, ବହୁଜନ ସମାଜବାଦୀ ପାର୍ଟିକୁ ୧୬-୨୦, କଂଗ୍ରେସକୁ ୬-୧୦ ଓ ଅନ୍ୟାନ୍ୟ ଦଳମାନଙ୍କୁ ୨-୬ ଟି ଆସନ ମିଳିପାରେ ।
ସେହିଭଳି ପଞ୍ଜାବରେ ମୋଟ ଆସନ ସଂଖ୍ୟା ୧୧୭ ହୋଇଥିବା ବେଳେ ଶାସକ କଂଗ୍ରେସକୁ ୪୨-୫୦, ଅକାଳୀ ଦଳକୁ ୧୬-୨୪,ଆମ ଆଦମୀ ପାର୍ଟିକୁ ୪୭-୫୩, ବିଜେପିକୁ ୦-୧ ଓ ଅନ୍ୟାନ୍ୟ ଦଳମାନଙ୍କୁ ୦-୧ ଆସନ ମିଳିବ ବୋଲି ଲୋକମତରୁ ଅନୁମାନ କରାଯାଇଛି ।
ଉତ୍ତରାଖଣ୍ଡରେ ମୋଟ ଆସନ ୭୦ ହୋଇଥିବା ବେଳେ କଂଗ୍ରେସକୁ ୩୦-୩୪, ବିଜେପିକୁ ୩୬-୪୦, ଆପକୁ ୦-୨ ଓ ଅନ୍ୟ ଦଳମାନଙ୍କୁ ୦-୧ ଆସନ ମିଳିବା ନେଇ ଅନୁମାନ କରାଯାଉଛି ।
ଗୋଆରେ ମୋଟ ଆସନ ସଂଖ୍ୟା ୪୦ ହୋଇଥିବା ବେଳେ ଏଠାରେ ବିଜେପିକୁ ୧୯-୨୩, କଂଗ୍ରେସକୁ ୨-୬, ଆପକୁ ୩-୭ ଓ ଅନ୍ୟାନ୍ୟ ଦଳମାନଙ୍କୁ ୮-୧୨ ଆସନ ମିଳିପାରେ ।
ମଣିପୁରରେ ମୋଟ ଆସନ ସଂଖ୍ୟା ୬୦ । ଏଠାରେ ବିଜେପିକୁ ୨୫-୨୯,କଂଗ୍ରେସକୁ ୨୦-୨୪,ଏନପିଏଫକୁ ୪-୮ ଓ ଅନ୍ୟାନ୍ୟ ଦଳମାନଙ୍କୁ ୩-୭ ଟି ଆସନ ମଳିପାରେ ।