ଆଜିି ବାଲେଶ୍ୱର ଓ ତିର୍ତୋଲ ଉପନିର୍ବାଚନ ପାଇଁ ପଡିବ ଭୋଟ: ସକାଳ ୭ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ କରୋନା କଟକଣାରେ ମତଦାନ କରିବେ ଭୋଟର; ଧାଡି଼ରେ ରହିବ ୬ ଫୁଟର ଦୂରତା: ହେବ ଥର୍ମାଲ ସ୍କ୍ରିନିଂ, ପିପିଇ କିଟ୍ ପିନ୍ଧିବେ ପୋଲିଂ କର୍ମଚାରୀ
କନକ ବ୍ୟୁରୋ: ଆଜି ବାଲେଶ୍ୱର ଓ ତିର୍ତୋଲ ଉପନିର୍ବାଚନ ପାଇଁ ମତଦାନ ଆରମ୍ଭ ହୋଇଛି । ତିର୍ତୋଲରେ ୨ ଲକ୍ଷ ୩୯ ହଜାର ୧୫୩ ଜଣ ଭୋଟର ୩୭୩ଟି ବୁଥରେ ମତଦାନ କରିବେ । ସେହିପରି ବାଲେଶ୍ୱରରେ ୨ଲକ୍ଷ ୩୦ହଜାର ୨୯୭ ଜଣ ଭୋଟର ୩୪୬ଟି ବୁଥରେ ଭୋଟ ଦେବେ । କରୋନା କଟକଣା ଭିତରେ ଆରମ୍ଭ ହେବ ଭୋଟ ଗ୍ରହଣ । ଭୋଟର କେମିତି ଲାଇନ୍ରେ ଠିଆ ହେବେ, କେମିତି ଭୋଟ ଦେବେ, ସେସବୁ ନେଇ କଟକଣା ଜାରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଭୋଟର ମାନେ ଧାଡିରେ ଛିଡା ହେବାବେଳେ ସେମାନଙ୍କ ମଧ୍ୟରେ ଅତି କମରେ ଛଅ ଫୁଟର ଦୂରତା ରଖିବାକୁ କୁହାଯାଇଛି । ସେହିପରି ସମସ୍ତ ଭୋଟରଙ୍କ ଥର୍ମାଲ ସ୍କ୍ରିନିଂ କରାଯିବ । ସମସ୍ତେ ହାତ ଧୋଇବା ବାଧ୍ୟତାମୂଳକ କରାଯାଇଛି । ଯେଉଁମାନେ ଭୋଟ ଦେବେ ସେମାନେ ଡାହାଣ ହାତରେ ଗ୍ଲୋବ୍ସ ପିନ୍ଧିବେ । ପୋଲିଂ କର୍ମଚାରୀମାନେ ପିପିଇ କିଟ୍ ପିନ୍ଧିବେ । ଯାହାର କରେନା ପଜିଟିଭ୍ ଥିବ, ସେମାନେ ପିପିଇ କିଟ୍ ପିନ୍ଧି ମତ ସାବ୍ୟସ୍ତ କରିପାରିବେ ।
ସେପଟେ ଏହି ଉପନିର୍ବାଚନ କେବଳ ଦୁଇଟି ନିର୍ବାଚନ ମଣ୍ଡଳିରେ ହେଉଥିଲେ ବି ବିଭିନ୍ନ ଦୃଷ୍ଟିରୁ ଏହାକୁ ରାଜନୈତିକ ପର୍ଯ୍ୟବେକ୍ଷକ ମହଲରେ ବହୁ ଗୁରୁତ୍ୱ ଦିଆଯାଉଛି । କାରଣ ଏହାର ଫଳାଫଳ ଅନେକ ଗୁରୁତ୍ୱପୂର୍ଣ୍ଣ ଦିଗକୁ ଇସାରା କରୁଛି । ମୁଖ୍ୟମନ୍ତ୍ରୀ ନବୀନ ପଟନାୟକଙ୍କ ଲୋକପ୍ରିୟତା ଅତୁଟ ଅଛି ନା ନାହିଁ, ସରକାରଙ୍କ କୋଭିଡ ପରିଚାଳନାକୁ ଲୋକେ କିଭଳି ଭାବରେ ଗ୍ରହଣ କରିଛନ୍ତି, ତାହା ଏହି ନିର୍ବାଚନରୁ ଜଣାପଡିବ । ସେପଟେ ବିଜେପି ବାଲେଶ୍ୱରରେ ଗଡ ରକ୍ଷା କରିପାରୁଛି କି ନାହିଁ, ଓଡିଶାରେ ମୋଦିଙ୍କ ନାଁରେ ଭୋଟ ଆସିବ କି ନାହିଁ, ତା’ର ମଧ୍ୟ ପରୀକ୍ଷା ହେବ । ଏହାଛଡା କଂଗ୍ରେସ ପ୍ରତି ଲୋକଙ୍କ କଣ ମନୋଭାବ ରହିଛି, ତା’ର ମଧ୍ୟ ପରୀକ୍ଷା ହେବ ।