ଆସିଲା ୧୭ତମ ରାଉଣ୍ଡର ଟ୍ରେଣ୍ଡ: ୧୭ତମ ରାଉଣ୍ଡ ସୁଦ୍ଧା ୩୦ ହଜାର ୫୯ ଭୋଟରେ ବିଜେଡି ଆଗୁଆ 

କନକ ବ୍ୟୁରୋ: ଚାଲିଛି ପଦ୍ମପୁର ଉପନିର୍ବାଚନ ଭୋଟ ଗଣତି । ପଦ୍ମପୁରରୁ ଆସିଲା ୧୭ତମ  ରାଉଣ୍ଡର ଟ୍ରେଣ୍ଡ । ୧ରୁ ୧୭ତମ ରାଉଣ୍ଡ ଯାଏଁ ବିଜେଡି ପ୍ରାର୍ଥୀ ଆଗୁଆ ରହିଆସିଛନ୍ତି । ସମସ୍ତଙ୍କୁ ପଛରେ ପକାଇ ଏହି ରାଉଣ୍ଡରେ ୫୪୧ ଖଣ୍ଡ ଭୋଟରେ ବିଜେଡି ପ୍ରାର୍ଥୀ ବର୍ଷା ବରିହା ଆଗରେ ରହିଛନ୍ତି । ୧୭ତମ ରାଉଣ୍ଡରେ ବର୍ଷାଙ୍କୁ ୪ ହଜାର ୮୪ ଭୋଟ, ବିଜେପି ପ୍ରାର୍ଥୀ ପ୍ରଦୀପ ପୁରୋହିତଙ୍କୁ ୩ ହଜାର ୫୪୩ ଭୋଟ ଓ କଂଗ୍ରେସ ପ୍ରାର୍ଥୀ ସତ୍ୟ ଭୂଷଣ ସାହୁଙ୍କୁ ୧୦୬ ଭୋଟ ମିଳିଛି ।

ଏବେ ସୁଦ୍ଧା ବିଜେଡି ମୋଟ ୩୦ ହଜାର ୫୯ ଭୋଟରେ ଆଗୁଆ ରହିଛି । ୧୭ତମ ରାଉଣ୍ଡ ଶେଷ ସୁଦ୍ଧା ବିଜେଡି ମୋଟ ୮୯ ହଜାର ୪୬୫, ବିଜେପି ୫୯ ହଜାର ୪୦୬ ଓ କଂଗ୍ରେସ ଖାତାରେ ପଡିଛି ମୋଟ ୨୮୨୧ ଭୋଟ । ଆରମ୍ଭରୁ ସବୁ ରାଉଣ୍ଡରେ ବିଜେଡି ଆଗୁଆ ରହିଥିଲା । ପ୍ରାରମ୍ଭିକ ଟ୍ରେଣ୍ଡରୁ ବିଜେଡି ଆଗୁଆ ରହିଆସୁଛି । ତେବେ ପଦ୍ମପୁରରେ ବିଜେଡି ତା’ର ଆସନ ବଜାୟ ରଖୁଛି ନା ଧାମନଗର ପରି ପଦ୍ମପୁରରେ ପଦ୍ମ ଫୁଟାଇବ ବିଜେପି, ତା’ ଉପରେ ସମସ୍ତଙ୍କ ନଜର ରହିଛି ।