ପୋଲିସ ମାଡରେ ବ୍ୟବସାୟୀ ମନିଷ ଗୁପ୍ତା ମୃତ୍ୟୁ ଘଟଣା । ଉତ୍ତରପ୍ରଦେଶରେ ଜୋର ଧରିଲା ରାଜନୀତି…
କନକ ବ୍ୟୁରୋ: ପୋଲିସ ମାଡରେ ବ୍ୟବସାୟୀ ମନିଷ ଗୁପ୍ତା ମୃତ୍ୟୁ ଘଟଣାକୁ ନେଇ ଏବେ ଉତ୍ତରପ୍ରଦେଶରେ ଜୋର ଧରିଲାଣି ରାଜନୀତି । ଘଟଣାକୁ ୪ ଦିନ ବିତିଥିଲେ ସୁଦ୍ଧା ବର୍ତମାନ ପର୍ଯ୍ୟନ୍ତ ଅଭିଯୁକ୍ତଙ୍କୁ ଗିରଫ କରାଯାଇ ନାହିଁ । ଯାହାକୁ ନେଇ ଜୋର ଧରିଛି ରାଜନୀତି । ବିରୋଧି ଏନେଇ ଯୋଗୀ ସରକାରଙ୍କୁ ଟାର୍ଗେଟ କରିଛନ୍ତି । ରାତିଅଧିଆ ଚେକିଙ୍ଗ ଆଳରେ ହୋଟେଲ ରୁମରେ ପଶି ଯେପରି ପୋଲିସ ବ୍ୟବସାୟୀ ମନିଷ ଗୁପ୍ତାଙ୍କୁ ହତ୍ୟା କରିଥିଲା ତାହାର ଜବାବ ୟୁପି ସରକାର ଦେବାକୁ ସମାଜବାଦୀ ପାର୍ଟି ନେତା ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ୨୭ ତାରିଖ ସୋମବାର ଗୋରଖପୁରରେ ଏକ ହୋଟେଲ୍ରେ ବ୍ୟବସାୟୀ ମନିଷ ଗୁପ୍ତା ଥିବାବେଳେ ହଠାତ୍ ପୋଲିସ ଚେକିଂ ଆଳରେ ସେଠାରେ ପହଁଚିଥିଲା । ଚେକିଂ ପାଇଁ ପୋଲିସ ମନିଷକୁ ଆଇଡି କାର୍ଡ ମାଗିଥିଲେ । ହେଲେ ଏଇଟା ଚେକିଂ ଟାଇମ ବୋଲି ପ୍ରଶ୍ନ କରିଥିଲେ ମନିଷ । ଯେଉଁଥିରେ ପୋଲିସ ରାଗିଯାଇ, ମନିଷଙ୍କୁ ମାଡ ମାରିଥିଲା । ଫଳରେ ବ୍ୟବସାୟୀ ମନିଷଙ୍କ ମୃତ୍ୟୁ ଘଟିଥିଲା । ଏ ମାମଲାରେ ସମ୍ପୃକ୍ତ ୬ ଜଣ ପୋଲିସ କର୍ମୀଙ୍କୁ ନିଳମ୍ବନ କରାଯାଇଥିବାବେଳେ ବର୍ତମାନ ସୁଦ୍ଧା ସେମାନଙ୍କୁ ଗିରଫ କରାଯାଇ ନାହିଁ ।
ଘଟଣାରେ ଯୋଗୀ ସରକାର ମନିଷଙ୍କ ପରିବାରକୁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ସହାୟତା ରାଶି ସମେତ ପତ୍ନୀଙ୍କୁ ସରକାରୀ ଚାକିରି ଓ ଝିଅର ପାଠପଢା ଖର୍ଚ୍ଚ ବହନ କରିବାକୁ ପ୍ରତିଶ୍ରୁତି ଦେଇଛନ୍ତି । କିନ୍ତୁ ସବୁଠୁ ବଡ କଥା ହେଲା ଘଟଣାର ଶୀଘ୍ର ତଦନ୍ତ ପାଇଁ ମୁଖ୍ୟମନ୍ତ୍ରୀ ନିଜେ ନିର୍ଦ୍ଦେଶ ଦେଇଥିଲେ ମଧ୍ୟ ଏପର୍ଯ୍ୟନ୍ତ ଅଭିଯୁକ୍ତକୁ ଗିରଫ କରାଯାଇ ନଥିବା ପୋଲିସର ଅବହେଳାକୁ ଦର୍ଶାଇଛି ।