ଯାଜପୁର ବାରବାଟୀର ଏକ ବ୍ୟାଙ୍କ ନାଁରେ ଟଙ୍କା ହଡପ ଅଭିଯୋଗ ଆଣିଲେ ବ୍ୟବସାୟୀ । ତିନୋଟି ପର୍ଯ୍ୟାୟରେ ୧୬ ଲକ୍ଷ ୨୫ହଜାର ଟଙ୍କା ଲୁଟ ଅଭିଯୋଗ
କନକ ବ୍ୟୁରୋ : ଗ୍ରାହକଙ୍କୁ ଲୁଟିଲା ବ୍ୟାଙ୍କ । ପ୍ରାୟ ୧୬ ଲକ୍ଷ ୨୫ ହଜାର ଠକେଇ ଅଭିଯୋଗ । ରସୁଲପୁର ବ୍ଲକ ଗୋପାଳପୁର ଗାଁର ରବୀନ୍ଦ୍ର ଗୁଇଁ । ନିଜର ଗୁଜୁରାଣ ମେଂଟାଇବା ପାଇଁ ରବୀନ୍ଦ୍ର ଗାଁ ଛାଡି ଜାରକା ବଜାରରେ ଭଡାଘରେ ରହିବା ସହ ଲୁଗା ଦୋକାନଟିଏ ଖୋଲିଛନ୍ତି । ନିଜର ବ୍ୟବସାୟକୁ ବଢାଇବା ପାଇଁ ରବୀନ୍ଦ୍ର ନିଜର ସାତ ଗୁଣ୍ଠ ଜମି ବାରବାଟୀ ସ୍ଥିତ ୟୁକୋ ବ୍ୟାଙ୍କରେ ବନ୍ଧକ ରଖିଥିଲେ । କ୍ୟାସ କ୍ରେଡିଟ ମାଧ୍ୟମରେ ଋଣ ନେବା ପାଇଁ ଖାତା ଖୋଲିଥିଲେ । ପ୍ରାଥମିକ ପଯ୍ୟାୟରେ ବ୍ୟାଙ୍କରେ ଦେଣ ନେଣ ଠିକଠାକ୍ ଚାଲିଥିଲା । ମାତ୍ର ରବିନ୍ଦ୍ର ଜଣେ ବ୍ୟବସାୟୀଙ୍କୁ ୨୫ହଜାର ଟଙ୍କାର ଚେକ୍ ଦେଇଥିଲେ । ଚେକ୍ ବାଉନସ୍ ହେବା ପରେ ରବୀନ୍ଦ୍ର ଓ ତାଙ୍କ ପୁଅ ଖୋଳତାଡ କରି ଜାଣିବାକୁ ପାଇଲେ ତିନୋଟି ପର୍ଯ୍ୟାୟରେ ଭାଉଚର ମାଧ୍ୟମରେ ତାଙ୍କର ୧୬ଲକ୍ଷ ୨୫ହଜାର ଟଙ୍କା ଉଠାଇ ଦିଆଯାଇଛି । ଏପରିକି ତାଙ୍କ ବନ୍ଧକ ଜମିକୁ ନିଲାମ ପାଇଁ ମଧ୍ୟ ନୋଟିସ ବାହାର କରାଯାଇଛି । ଯାହାର ଅଭିଯୋଗ ଆଣିଛନ୍ତି ରବୀନ୍ଦ୍ର ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ରବୀନ୍ଦ୍ରଙ୍କ ଏକାଉଂଟରୁ ଟଙ୍କା ଜାଲିଆତି ହୋଇଛି କି ନାହିଁ ଜାଣିବାକୁ ୟୁକୋ ବ୍ୟାଙ୍କର ବାରବାଟୀ ଶାଖାରୁ ତଥ୍ୟ ହାସଲ କରିବାରେ ନିରାଶ ହୋଇଥିଲେ । ପରେ ଜୋନାଲ ଅଫିସକୁ ଯୋଗାଯୋଗ କରି କାରବାର ହୋଇଥିବା ଟଙ୍କାର ସମସ୍ତ ଭାଉଚର ଓ ଚେକର କପି ହାସଲ କରିବା ପରେ ଘୋଟାଲା ହୋଇଥିବା ଜଣାପଡିଥିଲା । ଯାହାକୁ ନେଇ ରବୀନ୍ଦ୍ରଙ୍କ ପରିବାର ଏବେ ଚିନ୍ତାରେ ଅଛନ୍ତି । ଏହି ଘୋଟାଲା ନେଇ ରବୀନ୍ଦ୍ର ଓ ତାଙ୍କ ପୁଅ ଖାଉଟି ଅଦାଲତରେ ମଧ୍ୟ ଆଶ୍ରୟ ନେଇଛନ୍ତି । ଏହି ଘଟଣାନେଇ ବ୍ୟାଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ ।
ବ୍ୟବସାୟୀଙ୍କ ଟଙ୍କା ହଡପ ପରେ ନ୍ୟାୟ ପାଇଁ ବୁଲୁଥିବା ବେଳେ ଏହାର ଉଚ୍ଚସ୍ତରୀୟ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନେବା ଜରୁରୀ ହୋଇଛି ।