ଏମିତି ବି ହୁଏ ବସ ଚୋରି । ଭୁବନେଶ୍ୱରରୁ ବସ ଚୋରି କରି କୋଲକାତା ନେଉଥିବା ବେଳେ ପିଛା କଲା ପୋଲିସ । ଯୋଜନାବଦ୍ଧ ଭାବେ ଦୁର୍ଘଟଣା ଘଟାଇ ଦିବ୍ୟାଙ୍ଗ ଅଭିଯୁକ୍ତକୁ ଧରିଲା କମିସନରେଟ୍ ପୋଲିସ
କନକ ବ୍ୟୁରୋ: ବରମୁଣ୍ଡା ବସଷ୍ଟାଣ୍ଡରୁ ବସ ଗାୟବ । ଚୋରି କରିନେଲେ ଜଣେ ଯୁବକ । କଥାଟି ଅସ୍ୱାଭାବିକ ମନେ ହେଉଥିଲେ ମଧ୍ୟ କଥାଟି ସତ । ଏତେ ବଡ ବସ୍ କଣ କେବେ ଚୋରି ହୋଇପାରେ? କିନ୍ତୁ ଆପଣଙ୍କ ଟିଭି ପରଦାରେ ଦେଖାଯାଉଥିବା ଏହି ଫଟୋରେ ଗୋଟିିଏ ଦୁର୍ଘଟଣା ଗ୍ରସ୍ତ ବସର ଚିତ୍ର ରହିଛି । ଏହି ବସ୍ ଚୋରି ହୋଇଥିବା ବେଳେ କଟକରୁ ଦୁର୍ଘଟଣାର ଶିକାର ହୋଇଥିଲା । କଟକ ଟ୍ରାଫିକ୍ ମୁଖ୍ୟାଳୟକୁ ଶୁକ୍ରବାର ରାତି ୯ଟା ବେଳେ ଏକ ବସ ଚୋରି ହୋଇଥିବା ନେଇ ଖବର ଆସିଥିଲା । ଖବର ପାଇ ପରେ ତତ୍ପରତା ପ୍ରକାଶ କରିଥିଲା କମିଶନରେଟ୍ ପୋଲିସ । ଚୋରକୁ ଧରିବା ପାଇଁ ବ୍ଲୁପ୍ରିଂଟ ହେଲା ପ୍ରସ୍ତୁତ ଏବଂ ଜାତୀୟ ରାଜପଥକୁ କରାଗଲା ସିଲ୍ ।
Kanak News is now on WhatsApp
Join and get latest news updates delivered to you via WhatsApp
ପୋଲିସ ହାବୁଡରୁ ନିଜକୁ ରକ୍ଷା କରିବା ପାଇଁ ଚୋର ବସଟିକୁ ସହର ଭିତରକୁ ଖୁବ ଜୋରରେ ନେଇ ଯାଉଥିଲା । ହେଲେ ପୂର୍ବ ଯୋଜନା ମୁତାବକ ଏକ ଟ୍ରକକୁ ରାସ୍ତା ଉପରେ ରଖା ଯାଇଥିଲା । ଶେଷରେ ଟ୍ରକକୁ ଧକ୍କା ଦେଇ ବସଟି ଦୁର୍ଘଟଣାଗ୍ରସ୍ତ ହୋଇଥିଲା ଏବଂ ଚୋରକୁ କାବୁ କରିଛି ପୋଲିସ । ବରମୁଣ୍ଡା ବସଷ୍ଟାଣ୍ଡରେ ଆରୟନ ବସଟି ପାର୍କିଂ ହୋଇଥିବାବେଳେ ଏହାକୁ ଧରି ଚମ୍ପଟ ମାରୁଥିଲା ଚୋର ।
ଗିରଫ ହୋଇଥିବା ବସ ଚୋର ଜଣକ ଜଣେ ଭିନ୍ନକ୍ଷମ ହୋଇଥିବା ବେଳେ ପୂର୍ବରୁ ସେ ଏକାଧିକ ବସ ଚୋରି କରିଥିବା ଜଣାପଡିଛି । ଏହି ଆର୍ୟନ୍ ବସକୁ ଭୁବନେଶ୍ୱର ବରମୁଣ୍ଡାରୁ ପଶ୍ଚିମବଙ୍ଗ ନେଇଯିବା ପାଇଁ ତାର ଯୋଜନା କରିଥିଲା । ଅଭିଯୁକ୍ତ ଜଣକ ବାଲେଶ୍ୱର, ବରମୁଣ୍ଡା ଓ ବାଦାମବାଡିରେ ମୋଟ ୪ଟି ବସ ଚୋରିରେ ସଂପୃକ୍ତ ଥିବା କମିଶନରେଟ୍ ପୋଲିସ ସ୍ପଷ୍ଟ କରିଛି ।