କନକ ବ୍ୟୁରୋ: ଆଜି ପୁରୀକୁ ବସ ଚଳାଚଳ ବନ୍ଦ ରହିଛି । ପୁରୀ-କୋଣାର୍କ, ପୁରୀ- ଭୁବନେଶ୍ୱର, ପୁରୀ-ସାତପଡା ଓ ଅନ୍ୟ ରୁଟକୁ ପୁରୀରୁ ସମସ୍ତ ବସ ଚଳାଚଳ ଠପ୍ ହୋଇଯାଇଛି । ମିଳିଥିବା ସୂଚନା ଅନୁସାରେ ପୁରୀକୁ ପ୍ରତିଦିନ ଚଳାଚଳ କରୁଥିବା ପ୍ରାୟ ୨ଶହ ବସ ଓ ଏଥିରେ କାମ କରୁଥିବା ୮ଶହ କର୍ମଚାରୀ ଆନ୍ଦୋଳନକୁ ଓହ୍ଲାଇଛନ୍ତି । ଗତ ଜାନୁଆରୀ ୩୦ ତାରିଖରେ ପୁରୀ-କୌଣାର୍କ ମେରାଇନ ଡ୍ରାଇଭରେ ଦୁଇଟି ବସ ମଧ୍ୟରେ ଧକ୍କା ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏଥିରେ ଷୋଳପୁଅ ମାଆ ବସ ଡ୍ରାଇଭର ଅର୍ଜୁନ ମହାକୁଡଙ୍କୁ ଅନ୍ୟ ବସର ଯାତ୍ରୀମାନେ ପିଟିପିଟି ମାରି ଦେଇଥିବା ଅଭିଯୋଗ ହୋଇଥିଲା । ବସର ହେଲପର ଏହାର ପ୍ରତିବାଦ କରିବାରୁ ତାଙ୍କୁ ମଧ୍ୟ ଆକ୍ରମଣ ହୋଇଥିଲା । ତେବେ ଏହି ଘଟଣାକୁ ପୋଲିସ ଚପାଇ ଦେଉଥିବା ଅଭିଯୋଗ କରି ଆନ୍ଦୋଳନ ଡାକରା ଦେଇଛି ନୀଳଗିରି ମାର୍କେଟ କର୍ମଚାରୀ ସଂଘ । ଫଳରେ ଆଜି ପୁରୀକୁ ଓ ପୁରୀରୁ ବାହାରକୁ ସମସ୍ତ ବସ ଚଳାଚଳ ବନ୍ଦ ହୋଇଯାଇଛି ।