ପେଟ୍ରୋଲ ଓ ଡିଜେଲ ଦାମ୍ କମିବା ପରେ କମିଲା ବସ ଭଡା । ଜାଣନ୍ତୁ, କେଉଁ ବସ ଭଡା କେତେ ଟଙ୍କା କମିଲା...

କନକ ବ୍ୟୁରୋ: ପେଟ୍ରୋଲ, ଡିଜେଲ ଦର କମିବା ପରେ କମିଛି ବସ ଭଡା । ଅର୍ଡିନାରୀ ଓ ଏକ୍ସପ୍ରେସ୍ ବସ ଭଡା କିଲୋମିଟର ପିଛା ୫ ପଇସା ହ୍ରାସ ପାଇଛି । ତା ସହିତ ଡିଲକ୍ସ ଓ ଏସି ଡିଲକ୍ସ ବସ ଭଡା କିଲୋମିଟର ପିଛା ୧୦ ପଇସା ହ୍ରାସ ପାଇଛି । ରାଜ୍ୟର ଘରୋଇ ବସ ମାଲିକ ସଂଘର ସମ୍ପାଦକ ଏନେଇ ଶନିବାର ଗଣମାଧ୍ୟମକୁ ସୂଚନା ଦେଇଛନ୍ତି । ବହୁ ଦିନର ବ୍ୟବଧାନ ପରେ ଯାତ୍ରୀଙ୍କ ପାଇଁ ଏପରି ଏକ ଖୁସି ଖବର ଆସିଛି । ତେବେ ଏହା ପୂର୍ବରୁ ଅଧିକାଂଶ ଥର ପେଟ୍ରୋଲ ଓ ଡିଜେଲ ଦର ବୃଦ୍ଧି କାରଣରୁ ବସ ଭଡା ବଢିଚାଲିଥିଲା । ହେଲେ ଏବେ କେନ୍ଦ୍ର ସରକାର ଓ ରାଜ୍ୟ ସରକାର ପେଟ୍ରୋଲ ଓ ଡିଜେଲ ଉପରୁ ନିଜର ଶୁଳ୍କ ହ୍ରାସ କରିବା ପରେ ଏବେ ବସ ଭଡା ହ୍ରାସ ପାଇଛି ।