ବୋଝ ଉପରେ ନଳିତା ବିଡ଼ା , ତେଲ ପାଇଁ ବଢ଼ିଲା ବସ୍ ଭଡ଼ା । ଜାଣନ୍ତୁ କେଉଁ ବସରେ କିଲୋମିଟର ପିଛା ଦେବାକୁ ପଡିବ କେତେ ପଇସା ।
କନକ ବ୍ୟୁରୋ: ବଢ଼ିଲା ବସ୍ ଭଡ଼ା । ଅହେତୁକ ଭାବେ ତେଲ ଦର ବୃଦ୍ଧି ପାଉଥିବାରୁ ବସ୍ ଭଡ଼ା ମଧ୍ୟ ବୃଦ୍ଧି କଲେ ରାଜ୍ୟ ସରକାର । ବସ୍ ଭଡ଼ା ବାବଦକୁ କିଲୋମିଟର ପିଛା ୨ ଓ ୪ ପଇସା ଲେଖାଏଁ ବୃଦ୍ଧି କରାଯାଇଛି । ଏହି ଆଧାରରେ ସାଧାରଣ, ଏକ୍ସପ୍ରେସ ବସ୍ ଭଡ଼ା ପ୍ରତି କିଲୋମିଟର ପିଛା ୨ ପଇସା ବୃଦ୍ଧି କରାଯାଇଛି । ଏହାସହ ଡିଲକ୍ସ, ଏସି ଡିଲକ୍ସ ବସର ପ୍ରତି କିଲୋମିଟର ପିଛା ୪ ପଇସାକୁ ବୃଦ୍ଧି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ପୂର୍ବରୁ ସାଧାରଣ ବସ୍ ଭଡ଼ା ପ୍ରତି କିଲୋମିଟର ପିଛା ୭୦ ପଇସାଥିଲା ଯାହା ବର୍ତ୍ତମାନ ୭୨ ପଇସାକୁ ବୃଦ୍ଧି ପାଇଛି । ସେହିଭଳି ଏକ୍ସପ୍ରେସ ବସ୍ ଭଡ଼ା ପ୍ରତି କିଲୋମିଟର ପିଛା ୭୩ ପଇସା ଥିବାବେଳେ ତାହା ବର୍ତ୍ତମାନ ୭୫ ପଇସାକୁ ବୃଦ୍ଧି ପାଇଛି । ଅନ୍ୟପଟେ ଡିଲକ୍ସ ବସ୍ ଭଡ଼ା ପ୍ରତି କିଲୋମିଟର କୁ ୧୦୧ ପଇସା ଥିବାବେଳେ ଏହା ବର୍ତ୍ତମାନ ୧୦୫ ପଇସାକୁ ବୃଦ୍ଧି କରାଯାଇଛି । ଏସି ଡିଲକ୍ସ ବସ୍ ର ପ୍ରତି କିଲୋମିଟରକୁ ୧୨୩ ପଇସା ଲାକୁଥିବାବେଳେ ଏହା ଏବେ ୧ ଟଙ୍କା ୨୭ ପଇସାକୁ ପହଁଚିଛି ।
ତେବେ ଏହି ୪ଟି ବର୍ଗର ବସ୍ ରେ ବଢ଼ିଥିବା ଭଡ଼ାକୁ ନେଇ ଏବେ ଜନତାଙ୍କ ମଧ୍ୟରେ ଅସନ୍ତୋଷର ନିଆଁ ଦେଖିବାକୁ ମିଳିଛି । ପୂର୍ବରୁ ଅହେତୁକ ଭାବେ ପେଟ୍ରୋଲ ଓ ଡିଜେଲ ଦରରେ ବୃଦ୍ଧି ପାଉଥିବାବେଳେ ଏବେ ବସ ଭଡ଼ା ସାଧାରଣ ଯାତ୍ରୀଙ୍କ ଉପରେ ବୋଝ ଉପରେ ନଳିତା ବିଡ଼ା ଭଳି ପାହାର ପଡିଛି । ଡିଜେଲ୍ ଦର ପ୍ରତି ଦିନ ବୃଦ୍ଧି ଘଟୁଥିବାରୁ ବସ୍ ଭଡ଼ା ବଢ଼ାଯାଇଛି। ଏହାର ପ୍ରଭାବ ସାଧାରଣ ଜନତାଙ୍କ ଉପରେ ପଡ଼ିବ। ଏହାକୁ ନେଇ ବିଭିନ୍ନ ମହଲରେ ଉଦ୍ବେଗ ପ୍ରକାଶ ପାଇଛି।