ଟ୍ରକକୁ ପିଟିଲା ବସ । ଦୁର୍ଘଟଣାରେ ଚାଲିଗଲା ବସ ହେଲପରଙ୍କ ଜୀବନ

କନକ ବ୍ୟୁରୋ : ଟ୍ରକକୁ ପଛ ପଟୁ ପିଟିଲା ବସ । ଘଟଣାସ୍ଥଳରେ ଚାଲିଗଲା ଜଣଙ୍କର ଜୀବନ । ମିଳିଥିବା ସୂଚନା ଅନୁସାରେ, ଆଜି ଭୋର ସମୟରେ ୧୬ ନଂ ଜାତୀୟ ରାଜପଥରେ ଏକ ଯାତ୍ରୀବାହୀ ବସ ରାସ୍ତା ପାଖରେ ଛିଡା ହୋଇଥିବା ଏକ ଟ୍ରକକୁ ଧକ୍କା ଦେଇଥିଲେ । ଘଟଣାସ୍ଥଳରେ ହିଁ ଜଣଙ୍କର ମୃତ୍ୟୁ ହୋଇଥିବା ନେଇ ଜଣାଯାଇଛି । ମୃତ ବ୍ୟକ୍ତି ଜଣଙ୍କ ହେଲେ ରାଇରଙ୍ଗପୁର ଅଞ୍ଚଳର । ତେବେ ସେ ବସରେ ହେଲପର ଭାବେ କାମ କରୁଥିଲେ ।

ରାସ୍ତା ପାଖରେ ଏକ ଟ୍ରକ ଛିଡାହୋଇ ଗାଡିରସ ଚକା ବଦଳାଉ ଯାଉଥିବା ସମୟରେ ବସଟି ଗାଡିକୁ ଧକ୍କା ଦେଇଥିଲା । ଦୁର୍ଘଟଣାରେ ବସର ସମ୍ମୁଖ ପାଖ କ୍ଷତିଗ୍ରସ୍ତ ହୋଇଥିବା ମଧ୍ୟ ସୂଚନା ରହିଛି । ଦୁର୍ଘଟଣା ସମ୍ପର୍କରେ ସୂଚନା ପାଇଁ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚିବା ସହ ତଦନ୍ତ ଜାରି ରହିଛି ।