କନକ ବ୍ୟୁରୋ : କର୍ଣ୍ଣାଟକରେ ହିଜାବ ବା ବୁର୍ଖା ବିବାଦ ଟିକେ ଶାନ୍ତ ହୋଇ ଆସୁଥିବା ବେଳେ ଏବେ ତେଲେଙ୍ଗାନାରେ ଦେଖିବାକୁ ମିଳିଛି ବୁର୍ଖା ବିବାଦ । ହାଇଦ୍ରାବାଦର ଏକ କଲେଜକୁ କିଛି ଛାତ୍ରୀ ବୁର୍ଖା ପିନ୍ଧି ଆସିଥିବାରୁ ତାଙ୍କୁ କଲେଜ ଗେଟ ନିକଟରେ ଅଟକାଇ ଦିଆଯାଇଥିଲା । ଛାତ୍ରୀମାନେ ଅଭିଯୋଗ କରିଛନ୍ତି କି ସେମାନେ ବୁର୍ଖା ପିନ୍ଧି ଆସିଥିବାରୁ ସେମାନଙ୍କୁ କଲେଜ ଗେଟ୍ ନିକଟରେ ୩୦ ମିନିଟରୁ ଅଧିକ ସମୟ ଅଟକ ରଖାଯାଇଥିଲା । ଏହାପରେ ଛାତ୍ରୀମାନେ ବୁର୍ଖା ଖୋଲିବା ପରେ ସେମାନଙ୍କୁ ପରୀକ୍ଷା ହଲକୁ ଯିବାକୁ ଅନୁମତି ମିଳିଥିଲା ।
ଏଏନଆଇର ରିପୋର୍ଟ ମୁତାବକ ଜୁନ ୧୬ ତାରିଖରେ ହାଇଦ୍ରାବାଦର କେବି ରଙ୍ଗାରେଡ୍ଡୀ ମହିଳା ଡିଗ୍ରୀ କଲେଜର କିଛି ଛାତ୍ରୀ ବୁର୍ଖା ପିନ୍ଧି ପରୀକ୍ଷା ଦେବାକୁ ଆସିଥିଲେ । ହେଲେ କଲେଜ ଷ୍ଟାଫ ସେମାନଙ୍କୁ ପରୀକ୍ଷା ହଲକୁ ଯିବାକୁ ଅନୁମତି ଦେଇ ନଥିଲେ । ଏହାପରେ ଛାତ୍ରୀମାନଙ୍କୁ କଲେଜ ପ୍ରଶାସନ ତରଫରୁ ବୁର୍ଖା ଖୋଲିବାକୁ ବାଧ୍ୟ କରାଯାଇଥିଲା ।
#WATCH | Telangana | Girl students who appeared for examination at KV Ranga Reddy College in Santosh Nagar, Hyderabad allege that they were "forced" to take off their burqa before sitting for the exam. (16.06.2023) pic.twitter.com/JHzWP1agsR
— ANI (@ANI) June 17, 2023
ଏହି ମାମଲାରେ ତେଲେଙ୍ଗାନା ଗୃହମନ୍ତ୍ରୀ ମହବୁବ୍ ଅଲ୍ଲୀ ଗଣମାଧ୍ୟମ ପ୍ରଶ୍ନର ଉତ୍ତର ଦେଇ କହିଛନ୍ତି କି, ଦେଶରେ ସମସ୍ତଙ୍କୁ ନିଜ ନିଜ ପସନ୍ଦର କପଡା ପିନ୍ଧିବାକୁ ସ୍ୱାଧୀନତା ମିଳିଛି । ହେଲେ ମହିଳାମାନେ ଛୋଟ କପଡା ପିନ୍ଧିବା ଉଚିତ୍ ନୁହେଁ । ଏହାସହ ସେ ଏହି ଘଟଣା ପାଇଁ କଲେଜ ପ୍ରଶାସନକୁ ଦାୟୀ କରିଛନ୍ତି । ସେ କହିଛନ୍ତି କି ରାଜ୍ୟରେ ସେକୁଲାର ପଲିସି ଠିକ୍ ଭାବେ କାର୍ଯ୍ୟ କରୁଛି । ତେଣୁ କିଏ କଣ ପିନ୍ଧିଲା ତା ଉପରେ କେହି ପ୍ରଶ୍ନ ଉଠାଇ ପାରିବେ ନାହିଁ ।