ରାଜଧାନୀର ରାଜରାସ୍ତାରେ ହୁ ହୁ ହୋଇ ଜଳିଲା କାର । ଅଳ୍ପକେ ବର୍ତ୍ତିଗଲେ ୪ ଯାତ୍ରୀ

278

କନକ ବ୍ୟୁରୋ : ରାଜଧାନୀର ରାଜରାସ୍ତା ଉପରେ ହୁତୁହୁତ ହୋଇ ଜଳିଲା କାର୍ । ଆଉ ରାସ୍ତା ଉପରେ କାରକୁ ଜଳୁଥିବାର ଦେଖି ଆଶ୍ଚର୍ଯ୍ୟ ହୋଇ ଯାଇଥିଲେ ରାସ୍ତାରେ ଯାଉଥିବା ଲୋକ । ତେବେ କାର ଜଳି ଯାଇଥିଲେ ମଧ୍ୟ ଏଥିରେ ଥିବା ୪ ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି ।

ସୂଚନା ଅନୁଯାୟୀ, ଆଜି ସନ୍ଧ୍ୟାରେ ନାଲକୋ ଛକ ପାଖ ଏକ ହୋଟେଲ ସାମ୍ନାରେ ହ୍ୟୁଣ୍ଡାଇ ସିଟିର ଏକ କାର ଯାଉଥିବା ବେଳେ କୌଣସି ଯାନ୍ତ୍ରିକ ତ୍ରୁଟି କାରଣରୁ ହଠାତ ଏଥିରେ ନିଆଁ ଲାଗି ଯାଇଥିଲା । ହଠାତ୍ କାରରେ ନିଆଁ ଲାଗିବା ଫଳରେ କିଛି ସମୟ ତାଜୁବ ହୋଇଯାଇଥିଲେ ଅନ୍ୟ ଲୋକ ମାନେ । ତେବେ କାରରେ ଥିବା ଯାତ୍ରୀ ମାନେ ନିଆଁ ଲାଗିବା କ୍ଷଣି କାରରୁ ଓହ୍ଲାଇ ପଡି ଜୀବନ ରକ୍ଷା କରିଥିଲେ ।

ରାସ୍ତା ମଝିରେ କାରଟି ହୁ ହୁ ହୋଇ ଜଳୁଥିବାରୁ ଦୀର୍ଘ ସମୟ ଧରି ରାସ୍ତା ଜାମ ହୋଇଥିଲା । ରାସ୍ତାର ଦୁଇ ପାଶ୍ୱର୍ରେ ଶହ ଶହ ଗାଡି ଛିଡା ହୋଇ ରହିଥିଲା । ଫଳରେ କିଛି ସମୟ ପାଇଁ ଟ୍ରାଫିକ ସମସ୍ୟା ଦେଖିବାକୁ ମିଳିଥିଲା । ତେବେ ପରେ ଅଗ୍ନିଶମ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି କାରରୁ ଲିଭାଇଥିଲେ । ପରେ ସ୍ୱାଭାବିକ ଭାବେ ଗାଡି ଚଳାଚଳ କରିଥିଲା ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.